Sheekh Xasan Turki  oo Lawareegay Magaalada Kismaayo Xili ay  iskiiga baxeen Alshabaab Goobihii ay kadagana...... Magaalada Kismaayo ayaa waxaa la wareegay ciidamo taabacsan Sheekh Xasan Tukey oo ka mid ah mas'uuliyiinta ururka Xisbul Islaam oo dagaal kula jira dowladda Somalia si ay xukunka uga tuuraan. Saraakiishii Al-shabaab ayaa ka baxay magaalada markii ay maqleen inay kusoo wajahan yihiin ciidamo ka badan kun askari oo kasoo horjeeda, xaaladda Magaalada Kismaayo ay kacsanayd tan iyo xalay markii ay ka baxday Al-shabaab. Mas'uulka hoggaaminaya ciidamada la wareegay Kismaayo ayaa lagu magacaabaa Sheekh Axmed Madoobe wuxuuna dhawaan sheegay inuusan taageersanayn maamulka Kismaayo ee ay gacanta ku hayaan Al-shaabab, isagoo ku goodiyay inuu la wareegi doono Magaalada. Sheekh Axmed Madoobe ayaa ku sugan xarunta maamulka Gobolka oo ah halka looga taliyo degmada, waxaana uu la hadli doonaa saxaafadda si uu sharraxaad uga bixiyo qabak ay magaalada ku qabsadeen iyo hadafkooda guud. Xubnihii Al-shabaab ayaa la sheegay inay gaareen degmada Jamaame oo dhanka waqooyi kaga beegan Kismaayo, mana jiraan wax abaabullo ah oo ka socda degmadaas sida ay wararka naga soo gaaraya sheegayaan. Maamulkii hore ee Al-shabaab iyo xubnaha la wareegay gacan ku haynta degmada ayaa la sheegay inuu soo dhexgalay khilaaf, iyadoo guddoomiye ku xigeenka ururka Xisbul Islaam Sheekh Xasan C/llaahi Xirsi (Turki) uu sheegay inuusan aqoonsanayn maamulka Kismaayo oo isbadal lagu sameeyay. Camaloow  Online Gureey006@hotmail.com webmester@camaloow.com   Wafdigii ka socady Dowladda KMG ah ee shalay soo gaara y Magaalada Beledwe yne oo sheegay in ay wada hadalo la fureen. Xubnihii wafdiga ee kasocday Dowlada KMG ah ee Soomaaliya ee shalay soo gaaray Magaalada Beled weyne ayaa sheegay in ay u yimaadeen sidii wada hadal ay ula gali lahaayeen kooxaha mucaardka ee jooga galbeedka Degmada Beled weyne.   Xidhibaan Maxamad Dhaqane Cilmi oo katirsan Xubnaha shalay soo gaaray Magaaladan Beled weyne kaasoo hogaaminayay wafdiga Dowladda oo saaka lahadlay Saxaafada Gobolka ayaa sheegay in ay bilaabatay wada xaajoodyo hoose oo u dhexeeyo iyaga iyo Xizbul Islaam SHABAAB.   Xildhibaan Maxamed Dhaqane Cilmi ayaa waxaa uu si toos ah Saxaafadda ugu sheegay in xalay ay xiriiro dhexmaray iyaga iyo  mucaaradka uuna wada hadalkoodu meel wanaagsan u marayo.   Xildhibaan Dhaqane ayaa waxa uu tilmaamay in hadii ay Alshabaab ka aqbalaan wada hadalada hada u socda ujeedadiisa taasi oo ku tilmaamay in ay tahay in ay qeyb ka noqdaan Dowlada islmarkaasina loo midoobi lahaa sidii dadkan iyo dadkan dhibaatada looga saari lahaa.   Dadka ku dhaqan Magaalada Beledweyne ayaa waxaa ay ka dhur sugayaan kulamadan u socda wafdiga iyo kooxaha mucaaradka ah halka uu ku dambeyn doono inkastoo wax layska waydiin karo sida ay isku aqbali karaan maadaama ay horay u sheegeen in ay ka go,an tahay in ay ridaan Dowlada KMG oo madaxda ka yahay Shiikh Shariif Camaloow  Online Gureey006@hotmail.com webmester@camaloow.com     Aqligii  Hawiye oo dib ugu Biloowday Muqdisho: Dagaal  waabarigii Saaka  deegaanka  Galgalato  Duleedka  Muqdisho  iyo  Guulo  ay   kala Sheeganayaan............... Dagaal xoogan ayaa waabarigii saaka waxaa uu deegaanka Galgalato ee duleedka waqooyi bari Magaalada Muqdisho ku dhex maray Xoogaga Alshabaab iyo Ciidamada Dowladda oo halkaas fariisin ku lahaa. Dagaalkan ayaa ka dambeeyay kadib markii Xoogaga Alshabaab ay weerar ku soo qaadeen fariisimaha Ciidamada Dowladda, iyadoona kadib ay labada dhinac dhex martay dagaal fool ka fool ah oo muddo ku dhow saacad qaatay. Wararka ayaa sheegaya in dagaalka oo ahaa mid xoogiisa laga maqlayay qeybo ka mid ah Waqooyiga Muqdisho, uu sababay qasaarooyin kala duwan, kaasoo aan ilaa iyo iminka la sheegi karin.   Afhayeenka Shabaab Sheekh Cali Dheere ayaa sheegay in Xoogaga Mujaahidinta ay weerar ku qaadeen deegaanada Galgalato iyo Ceel Cadde oo fariisin u aheyd Ciidamada dowladda, halkaasoo marta wado marta xeebta. Waxaa uu sheegay in dagaalkaasi ay guulo fara badan ka soo hooyeen isagoona intaasi raaciyay in ay gacanta ku dhigeen gaadiidka dagaalka, isla markaana ay kala wareegeen gacan ku heynta deegaanadii ay ku sugnaayeen ciidamada Dowladda KMG Soomaaliya sida uu hadalka u dhigay. Wararka ayaa sheegaya in Ciidamada Dowladda ay dib u qabsadeen Deegaanka Galgalato oo marta wado istiraatiiji oo dhinaca xeebta ah, waxaana ciidamada la sheegay inay gurmad ka helaan ciidamo kale oo Dowladda ka tirsan. Lama oga qasaaraha uu geysanayo dagaalka, waxaana la soo sheegayaa in wali la maqlayo rasaas aad u xoogan badan oo labada dhinac is weydaarsanayaan, inkastoo rasaasta ay ka yara durugtay Xaafadaha Degmada Kaaraan. Dagaalka oo ahaa mid la isu adeegsaday hubka noocyadiisa kala duwan ayaa waxaa inta la hubo ku dhintay ilaa saddex ruux oo dhinacyadii dagaalamayay, waxaana jirin faah faahin labada dhinac ka soo baxay oo dagaalka dhex maray. Camaloow  Online Gureey006@hotmail.com webmester@camaloow.com Magaalada  Baardheere  Maamulka  Islaamka ah    oo amar  ku  baxshay  in  Hawenka   ay   Xirtaan Dharka Xijaabka  ah. Maamulka Islaamiga magaalada Baardheere ee gobolka Gedo, oo hoos taga Xarakada shabaabul Mujaahidiin ayaa ku wargeliyay in Haweenka ay qaataan Xijaabka, iyagoona raga ku tar tarsiiyay in xaasaskooda iyo caruurtooda u iibiyaan xijaabka. Amar ka soo baxay Maamulka ayaa lagu faray inaan Magaalada lagu dhex arki Karin haweenka aan xirneyn Xijaabka, iyagoona amarkooda ku sheegay cidii u hogaansami weyda inay ciqaab adag muteysan doonaan. Sarkaal u hadlay Maamulka Islaamiga Magaalada Baardheere ayaa ku tar tarsiiyay Ragga inay u iibiyaan haweenkooda Xijaabka, waxaana uu sheegay in cidii ka dhaga adeegta ay marsiin doonaan shareecada Islaamka. Tallaabadan ayaa durba noqotay mid haweenka ay ka muujiyaan culeys dhanka dhaqaalaha, waxaana ay tibaaxeen in aanay qaarkood heli Karin lacagaha lagu iibsado Xijaabka oo ay tahay xitaa mid aanay awoodi Karin. Maamulka islaamiga Baardheera ayaa amarkan ku tilmaamay mid looga gol leeyahay dar dar gelinta shareecada islaamka iyo ilaalinta dhaqanka islaamka, waxaana amarkan aanu aheyn mid kaliya ku ek Baardheere oo ay xitaa ka jiraan magaalooyinka ay maamulaan Kooxaha islaamiyiinta. Camaloow  Online Gureey006@hotmail.com webmester@camaloow.com     Gudoomiyaha   Baarlamaanka  Soomaaliya   sheekh Adan  madoobe oo    sheegay  in furmi doono  kulamadii   Baarlamanka........ Gudoomiya Baarlamaan  ee dowlada Midnimada Qaran Sh. Aadan Madoobe ayaa sheegay in mardhow uu furmidoono kulankii Baarlamaanka loogana doodidono heshiiskii dhinaca Bada ee dhexmaray Dowladda iyo Kenya inkastoo uusan sheegin goobta uu kulanka uu ka furmidoono iyo waqtigaba uu bilaabanaayo.. Xunaha Katirsan Baarlamaanka oo in mudo ah wax kulan ah isugu imaanin tan iyo markii Hoobiyayaasha lagu weeraray kulankii ugu danbeeyey ee ayku yeeshen Xaruntii Gaadiidka iyagoo kulankaasi kadibna diidey in ay wax wada hadal ama kulan oo danbe ku yeeshaan Magaalada Muqdisho. Manacada halka ay ku qabani doonaa kal fadhiga uu ku qabsoomi doono iyadoo la ogyahay Xubnaha Baarlanmaaku ay diideen in ay mardanbe kulanku yeeshaan xaruntoo Gaadiidka oo ay sheegen in xoogaga ka soo horjeeda Dowladda ay si sahal ah ubartilmaameedsan karaan goobtaasi iaydoo dhawaan duqayntii loogaystay ay qasaaro kasoo gaartay dadshacab ah oo goobtaasi ay daganaa. Isqabqabsi inbada socday  ayaa horay  xubnaha Baarlamaaku uga codsadeen Mas'uuliyiinta Dowlada in goob laga siiyo Villa Somaliya si ay halkaasi ugu qabsadaan kulamadooda balse waxaa arinkaasi ka biya diidey Shsrif iyo Reysul wasarihiisa,wixii ka danbeeyeyna waxaa Muqdishu isaga baxsanayey Xubno badan oo iyagu halkaasi uga cararay sababo la xariira Amaankooda iyadoo qaarbadan ay aadan Dunida dacaladeda. Camaloow  Online Gureey006@hotmail.com webmester@camaloow.com   Ciidamada Dowladda oo dib u qabsaday goobihii saaka laga soo ceyriyay iyo dagaalka oo kaabiga ku haaya Suuqa Bakaaraha................ Dagaalo saf ballaaran ayaa ka socda Wadada Wadnaha ee Magaalada Muqdisho, iyadoona dagaalka uu iminka kaabiga ku haayo Suuqa Bakaaraha, waxaana goor dhow dib u soo laba kacleeyay Ciidamadii Dowladda oowaabarigii saaka ku kalahay goobahaas, balse markii dambe dib loo soo caabiyay.   Wararkii ugu dambeeyay ayaa sheegaya in Ciidamada Dowladda ay qabsadeen goobihii markii hore ee saaka ay tageen, sida Isgoyska Aadan Cadde, H/wadaag, Isgoyska Bakaaraha iyo Folorensa, waxaana dagaalka xoogiisa uu haatan ka socdaa dhinaca Isgoyska Bakaaraha.   Wariye ku sugan Degmada H/wadaag ayaa xaqiijisay in Ciidamada Dowladda ay dib u soo rogaal celiyeen, iyadoona sheegtay in dagaalka uu iminka afka ku haayo gudaha Suuqa Bakaaraha.   Ciidamada Dowladda ayaa saaka galay Suuqa Bakaaraha, inkastoo dib looga soo caabiyay, waxaana xaalada ay u muuqataa mid mar in qolo meel loo riixayo, iyadoona aan ilaa iyo hada la saadaalin Karin halka uu xaal ku dambeyn doono.   Ilo lagu kalsoonaan karo ayaa xaqiijinaya in Ciidamada Dowladda ay la wareegeen Saldhiga Degmada Wardhiigley, waxaana dagaalka uu yahay mid aad u xoogan oo hubka noocyadiisa kala duwan si weyn loo maqlayo.   Dhinaca kale Ciidamada Dowladda ayaa guulo ka gaaray dagaal isna ka socda dhinaca waqooyi ee Magaalada sida Degmada Yaaqshiid, iyadoona la wareegay Laanta Horseed, Suuq Bacaad ilaa Hotelkii Towfiiq ee Jidka Sodonka.   Wararka dagaalka oo ah mid marba marka ka dambeysa isa soo taraya ayaa waxaa la dareemayaa xiisado xoogan oo aad ay cirka isugu shareertay, kadib markii saaka Ciidamada Dowladda ay qaadeen duulaan qorsheysan. Camaloow  Online Gureey006@hotmail.com webmester@camaloow.com   Dagaal   hada   ka   Qarxay  Tuulada   Garsaale iyo Magaalada   Jowhar  oo   Qarka  u  Saaran   In   laqabsado..........

Magaalada Jowhar ee xarunta Gobolka Shabellaha Dhexe ayaa sheegaya in dagaal xoogan uu goor dhoweyd ka qarxay Tuulada Garsaale oo ilaa 25KM dhanka koonfur kaga beegan Magaalada Jowhar u jira Ayadoo Lasheegayay in aay soo siqayaan.

Rabshadan  ayay u dhaxeeya Ciidamada Maxkamadaha Islaamka ee taageersan Dowladda iyo Xoogaga Alshabaab oo la sheegay inay duulaan ku soo yihiin Magaalada Jowhar, waabarigii saaka ayaa mar kaliya Magaalada Jowhar waxaa laga dareemay cabsi dagaal, iyadoona durba dhaq dhaqaaqyo ciidan iyo guluf dagala ay galeen Ciidamada Maxkamadaha Islaamka.

Nin ku sugan Magaalada Jowhar ayaa u xaqiijiyay  in dagaalka uu hada xoogiisa ka socda Tuulada Garsaale, halkaasoo ay difaacyo adag ka sameysteen Ciidamada Maxkamadaha.

Duulaanka oo Laga dareemayay maalmihii lasoo dhaafay abaabulkiisa Degmada Balcad iyo magaalada Muqdisho.  isku dayga Xoogaga Shabaab ayaa ah inay la wareegaan gacan ku heynta Magaalada Jowhar iyo deegaanada Gobolka Shabellaha Dhexe, waxaana jira qorshayaal horay loo dejiyay oo la sheegay in dhowr jiho laga soo weerara magaalada Jowwhar.

Camaloow  Online

Gureey006@hotmail.com

webwester@camaloow.com

 

Dagaal   hada   ka   qarxay   Isgoyska    Fagax   ilaa   Saldhiga   Yaaqshiid.........

Dagaal culus ayaa daqiiqado ka hor ka qarxay inta u dhaxeysa Isgoyska Fagax iyo Saldhiga Yaaqshiid, iyadoona dagaaladan ay daba joogaan dagaaladii maalmahan ka dhacayay Magaalada.

Dagaalkan ayaa salka ku haaya gacan ku heynta Saldhiga Degmada Yaaqshiid oo ay gacanta ku hayaan Ciidamada Dowladda, iyadoona dagaalkan hada bilowday uu yahay mid horay loo sii saadaalinayay.

Wararka ayaa sheegaya in dagaalka uu yahay mid la isu adeegsanayo hubka noocyadiisa kala duwan, waxaana la ogeyn sida ay xaalada tahay.

Dagaalka ayaa waxaa ku lug leh dhinacyadii maalmahan iska soo horjeeday, waxaana dagaalka uu u muuqda mid u soo wareegay aagara Waqooyi ee Muqdisho, kadib markii lagu soo kala baxay aagagii kale ee dhanka Koonfur ee uu dagaalka ka socday.

Nin Ganacsade oo ahaa xubin ka tirsan Ururka Alshabaab oo saaka lagu dilay Suuqa Bakaaraha.............

Nin ganacsade ahaa isla markaana la sheegay inuu ahaa xubin ka tirsan Ururka Alshabaab ayaa saaka lagu toogtay gudaha Suuqa Bakaaraha, xilli uu fadhiyay goobtiisa ganacsi, iyadoona dilka Marxuumkan ay fuliyeen Rag Bastoolado ku hubeysan.

Wararka qaar ayaa sheegaya in ninkan ganacsadaha xilliga la dilayay uu shaah ku cabayay ka soo horjeedka goobtiisa ganacsiga gaar ahaan Suuqa Cabdalla Shideeye, waxayna wararku intaa ku darayaan in dilka ninkan ay geysteen Kooxo Bastoolado ku hubeysan oo dhinaca dambe kaga yimid Marxuumka dabadeedna toogtay

Ninkan la dilay oo ahaa nin ay aad u yaqaaneen dadka ka ganacsada Suuqa Bakaaraha ayay wararku sheegayaa inuu ahaa Xubin ka tirsan Alshabaab, waxaana lagu sheegay inuu ka mid ahaa Qasnajiyaasha Kooxdaas.

Ma cada ilaa iyo hada cida ka dambeysa dilkiisa iyo sababta loo dilay, hase ahaatee wararka xoogiisa ayaa ah in Ninka oo ka soo jeeda Gobolada Baay iyo Bakool, uu markiisii horeba ka tirsanaa Mid ka mid ah Xoogaga Muqaawamada, balse dhowaan ku biiray Alshabaab.

Ilaa iyo hada inooma suura gelin inaan ogaano magaca ninkan, waxaana falkan dilka uu ku soo aadayaa xilli ugaarsi xoogan uu u dhaxeeya Kooxaha Islaamiyiinta qaarkood oo dhowaan saddex ka mid ah Muqaawamadii soo halgantay dilal qorsheysan loo geystay.

Wax war ah kama soo bixin Kooxda Alshabaab oo ku aadan dilka ninkaan oo warar qaar ahi sheegayaan inuu aad ugu dhowaa saraakiisha sar sare ee Alshabaab ee gacanta ku haaya Gobolada Baay iyo Bakool.

Maalmihii u dambeeyay waxaa Magaalada Muqdisho ka jiray dilal qorsheysan oo loo geysanayay qaar ka mid ah saraakiishii Muqaawamada, iyadoona labo todobaad gudahood lagu dilay Caasimada ilaa saddex ruux oo ahaa Saraakiil ka tirsanaa Maxkamadihii Islaamka

Camaloow  Online

Gureey006@hotmail.com

webwester@camaloow.com

 

 

Baarlamaanka   Soomaaliya   oo  ansixiyey   in   halkii  Wasiir  bishii  mushaar  loo  siiyo  lacag  dhan   12,000$.......

Wararka laga helayo Xarunta Gaadiidka Booliska Soomaliya ee magaalada Muqdisho ayaa wxaa ay sheegayaan in halkaasi maanta lagu anasixiyey Miisaanayadii ay soo gudbisey xukuumada RW Cumar Cabdi Rashiid oo loo meelmariyey in ay qaadan karaan halkii wasiir 12.000 oo doolar xiligaan soo socda ee 3-da bililood ee ina soo aadan ah.
Gudoomiyaha baarlamaanka ayaa waxaa uu ku dhawaaqey in ay isugu yimaadeen kulanka maanta 330 Xildhibaan oo ka mid ah 550-kii xildhibaan ee Jabuuti waxaan u codeeyey sida uu aqrirkii sheegey 303 xidhibaan halka ay diideen 23 inta kale waa aamuseen sida uu goobta ka cadeyey Shiikh aadan madoobe halka ay ka aamuseen inta kale sidaas ayuuma ansax ku noqdey kulanka soo jiitamayey maalmihii ka horeyey maanta.

Kulanka ayaa waxaa goob joog ka ahaa RW Cumar Cabdirashiid oo maalmihii la soo dhaafey aan tagin kulamadii ka horeey waxaana amaanka wadooyinka si aad u adkeeyey xiliga kulan ka hor ciidanka Booliiska oo xirey meelo ka fog goobta Gaadiidka booliska ee degmada C/casiis magaalada Muqdisho.

Miisaaniyaadan la ansixiyey ee sedexda bilood ee soo aadan ayaa la shegayaa in ay gaareyso 3 milyan wax ka badan isla markaasna baarlamaanka xukuumadu ay u sheegatey in Wasiirkii uu qaadanayo lacag gaareysa 12.000 kun oo doolar halka Askariga la siin doono 100 $ tirada asakarta la horgeeyeyna ay gaarayaan wax ka badan 5000 askari oo aan si buuxda loo sheegin gobolada ay ka shaqeyn doonaan.

W/diyaariyey:Ali Abdi Ali"suheifa"
asuheifa@hotmail.com
mogadishu-somalia

Camaloow  Online

Gureey006@hotmail.com

webwester@camaloow.com

 

Madaxweynaha Soomaaliya iyo Madaxweynaha Turkiga oo kulan ku qaatay Magaalada Ankara ....

Madaxweynaha Soomaaliya Shariif Sheekh Axmed oo booqashi rasmi ku jooga Magaalada Ankara ee Caasimada Dalka Turkiga ayaa kulan xasaasi ah la qaatay dhigiisa dalkaas Abdullah Gul, iyagoona ka wada hadlay xaalada ay ku sugan tahay Soomaaliya iyo xiriirka labada dal.

Madaxweyne Shariif ayaa uga warbixiyay dhigiisa dalka Turkiga xaaladaha siyaasadeed ee dalka Soomaaliya, isagoona u sheegay in horumar laga gaaray Siyaasada Soomaaliya bilihii u dambeeyay, isagoona muujiyay Madaxweynuhu sida uu ugu walaacsan yahay qatarta Burcad badeedka oo afduub kula kaca Maraakiibta shisheeye ee mareysa xeebaha Soomaaliya.

Sidoo kale Madaxweyne Shariif ayaa weydiistay Dowladda Turkiga sida looga baahan yahay inay garab istaagto Dalka ay colaadaha la dageen ee Soomaaliya, isagoona taageero ka dalbaday Dowladdaas Islaamiga ah.

Sheekh Shariif ayaa ka codsaday Beesha Caalamka inay gacan ka geystaan sidii Soomaaliya dib loogu dhisi lahaa, isla markaana ay cagaheeda ugu istaagi laheyd, isagoona cadeeyay in Dowladiisa diyaar u tahay in iskaashi wax wada qeybsi la yeelayo Dowladaha reer Yurub.

Madaxweynaha Dalka Turkiga Abdullah Gul ayaa sheegay in dowladda Turkiga ay diyaar u tahay in gacan ay ka geysato aas aasida iyo tababarka ciidamo Ammaan oo loo sameeyo dalka Soomaaliya oo ay la dageen dagaalo sokeeye.

Abdullah Gul waxaa uu tilmaamay in dalk Turkigu uu sidoo kale diyaar u yahay in gacan uu ka geysto dhinacyada Caafimaadka iyo bar baarinta, isagoo carabka ku dhiftay in dowladda Turkigu ay garab taagan tahay dowladda Madaxweyne Sheekh Shariif Sheekh Axmed.

Madaxweyne Shariif ayaa la filayaa inuu kulamo la qaato Jaaliyada Soomaaliyed ee Dalka Turkiga, iyadoona ay socoto qaban qaabo xaflad ay Soomaalida ku nool Turkiga ku soo dhoweyneyso Madaxweynaha.

Sheekh Shariif ayaa la filayaa inuu socdaal ku tago dalka Belguim, halkaasoo 23-ka bishan uu kaga qeyb galayo shir dhaqaale loogu uruurinayo Dowladda Soomaaliya, kaasoo uu ka qeyb geli doono Ergay ay Dowladda Mareykanka u soo dirsaneyso.

Madaxweyne Shariif Sheekh Axmed ayaa ah socdaalkii ugu horeeyay ee uu ku tago dal ka tirsan Qaarada Yurub tan iyo markii loo doortay Xafiiska Madaxweynaha Soomaaliya.

Camaloow  Online

Gureey006@hotmail.com

webwester@camaloow.com

 

Markab xamuul ah oo ku sii jeeday xeebta mumbaasa ee dalka kenya oo la qafaashay..............

Marakab aan la shaacin wadanka laga leeyaya ayaa waxa gacanta uu u galay  qolyaha ay maanqaaday burcad badeednimada  ee ka qowleysta xeebaha dalka soomaaliya.
 

Talafashin laga leeyahay wadanka Iiraan ayaa waxa uu soo bandhigay sawiro iyo muqaal muujinayay maraka ay burcada ay qafalanayeen markabka oo ku sii jeeday magaalo xeebeedka Mumbaasa ee dalka Kenya.

Sidoo wararka laga helay Tivigaasa ayaa waxa uu leehay wax yar kor inta aan la qafaalan markabkaasi ayaa burcada waxa ay la tacaaleen in marka ay la hayad yahuuda isagoo fara cidi leh kaga baxsaday ka dib markii uu qeylo dhaan dirsaday.

Markabka iyo shaqqle lagu sheegay ilaa 27-ruux ayaa waxa haya kooxaha burcad badeeda ee shaqada ka dhigtay in ay afduubtaan maraakiibta shisheeye.

Camaloow  Online

Gureey006@hotmail.com

webwester@camaloow.com

Banaan bax rabshado watay oo ka dhan ah go'aankii Alshabaab ku mamnuuceen Qaadka oo ka dhacay Magaalada Baydhabo........

Banaan bax rabshado watay, isla markaana looga soo horjeeday go'aankii shalay Maamulka Islaamiga Alshabaab kaga mamnuucay in gudaha Magaalada Baydhabo qaad lagu iibiyo ayaa maanta hareeray guud ahaan Magaalada Baydhabo, kaasoo hakad geliyay dhaq dhaqaaqii iyo ganacsiga Magaalada.

Sida ay sheegayaan wararka banaan baxan oo ay ka qeyb qaadanayeen dhalinyaro iyo dumar ayaa waxaa uu ka dhacay maanta fagaaraha Magaalada, iyadoona banaan baxayaashu ay in muddo ah wadada ku gooyeen dhagxaan.

Xoogaga Alshabaab oo markii dambe ku soo baxay banaan baxaas ayaa dadkii banaan baxayay waxay ku kala eryeen rasaas ay ku fureen, taasoo uu ku dhaawacmay qof rayid ah, halka 50 ruux ay xabsiga u dhaadhiciyeen kuwaasoo ka banaan baxayay go'aankii ay ku mamnuuceen in qaadka lagu iibiyo gudaha Magaalada laguna cuno goobaha dadka ku badan yihiin.

Dadkii banaan baxayay ayaa ku hadaaqayay hadalo ka dhan ah Maamulka Alshabaab, iyagoona ku qeylinayay in dib loo soo celiyo goobahooda ganacsi ee ay qaadka ku iibinayeen, iyagoona si weyn u saluugsan go'aanka lagaga mamnuucay in Qaadka ay ku iibiyaan gudaha Magaalada.

Saraakiisha Alshabaab ayaa wali ka hadlin banaan baxan looga soo horjeeday, iyadoona xaalada Magaalada Baydhabo ay haatan tahay mid degan, iyadoona wadooyinka Magaalada lagu soo daadiyay Ciidamada Alshabaab.

Camaloow  Online

Gureey006@hotmail.com

webwester@camaloow.com

 

Sarkaal ka tirsanaa ciidanka Barre Hiiraale oo isku dhiibay kooxda Alshabaab .

Sarkaal sare oo ka tirsan Ciidamada Barre Hiiraale hogaaminayo ee ku sugan Degmada Doolow ayaa isu soo dhiibay Xoogaga Al-shabaab ee ka howl gala qeybo ka mid ah Gobolka Gedo.

Sarkaalkan oo lagu magacaabo Col. Cabaas Ibraahiim Saciid ayaa si rasmi ah isugu soo dhiibay Xoogaga Al-shabaab waxa uuna isa soo dhiibitaankiisu yimid ka dib markii horey Xoogaga Al-shabaab Cafis u fidiyeen Saraakiisha iyo Ciidamada Barre Hiiraale wehlisa ee ku sugan Degmada Doolow kana soo jeeda Gobolka Gedo.

Isa soo dhiibidiisa waxaa Saxaafada u xaqiijiyay qaar ka mid ah Saraakiil ka kala tirsan Xoogaga Al-shabaab iyo Dowladda KMG ah ee Barre Hiiraale kula sugan Degmada Doolow.

Dhanka Xoogaga Al-shabaab Mas`uul u hadley oo lagu magacaabo Cusmaan ayaa sheegay in Sarkaalka isu soo dhiibay ay gacanta ku hayaan xaaladiisa caafimaadna ay wanaagsan tahey, sida uu sheegay.

Waxa uu sidoo kale sheegay in weli Saraakiisha kale iyo Ciidamada Barre Hiiraaale la socda ay fursad heystaan ayna ugu qaabayaan inay isaga baxaan howsha ay ku jiraan ee ka dhanka ah Dadka Deegaanka.

Sarkaalkan ka soo baxey Ciidanka Barre ee lagu magacaabo Cabaas Ibraahiim Saciid ayaa dhabar jab ku noqoneysa howlaha Ciidan ee uu Barre ka abaabulayo Degmada Doolow oo ku doonayo inuu Guluf colaadeed ku soo qaado Goboladii uu horey uga arimin jirin ee laga eryay.

W/diyaariyay : Ali Abdi Ali "Suheifa"
asuheifa@hotmail.com
Mogadishu-Somalia

Camaloow  Online

Gureey006@hotmail.com

webwester@camaloow.com

 

Wasiirka cadaalada xukuumada midnimada qaran oo sheegay inay gudiyo u saareen qaabkii loo hirgelin lahaa shareecada Islaamka

Wasiirka cadaalada xukuumada midnimada qaran Shiikh C/raxmaan Janqoow ayaa sheegay inay gudiyo u xuleen qaabkii loo hirgelin lahaa shareecada Islaamka.

Wasiirka oo xalay u waramayey idaacada horafrik ayaa sheegay in dhamaan shacabka Soomaaliyeed ay dabanayaan ku dhaqanka shareecada Islaamka, wuxuuna intaas ku daray in xukuumaduna ay mar horeba anisixiyeen arinkaas, waxa kaliya ee hada dhimanna ay tahay qaabkii loo hirgelin lahaa arinkaas, isla markaasna ay gudiyo usaareen.
 

Shiikh C/raxmaan Janaqoow ayaa la weydiiyey sida ay meel u wada gali karaan in la ansixiyo shareecada Islaamka iyadoo dalka ay ku sugan yihiin ciidamo shisheeye, wuxuuna sheegay in ayan waxba kala galin labadaa arimood.
 

" Ciidamada AMISOM waxay joogaan meel kooban, cidna dhib kuma hayaan, wax fara gelin ahna kuma sameyn karaan waxa aan dalka ku dhaqeyno, hadii laysku afgartana waxaa ku filan in lagu yiraahdo raali naga ahaada waan idinka kaaftoonaye" ayuu yiri wasiirka cadaalada.
 

Sidoo kale wasiirka ayaa sheegay in cid u diidan inay dalka ku dhaqaan shareecada Islaamka ayan jirin, wuxuuna intaas raaciyey in caalamku aqoonsaday in ay ku khaldanaayeen duulaankii ay ku soo qaadeen Soomaaliya.
 

Hadalka wasiirka cadaalada ayaa imaanaya xili dhawaan ay golaha xukuumada ee uu ka tirsan yahay ansixiyeen in dalka lagu dhaqo shareecada Islaamka, waxaana hada la sugayaa inay baarlamaanku ku raacaan talaabadaas.

Camaloow  Online

Gureey006@hotmail.com

webwester@camaloow.com

 

 

Iska    hor'imaad    hubeysan oo   barbar   socday   duqeyn   madaafiic   oo   saaka ku dhexmaray dagaalyahano islaamiyiin ah iyo ciidamada Burundi  Deegaani katirsan Xamar.

Saakay waabarigii ayaa waxaa dagaallo iyo duqeymo ay ka dhaceen nawaaxiga xarunta jaamacadda Ummadda oo ay fariisin ku leeyihiin ciidamada Burundi oo qayb ka ah ciidamada Midowga Afrika ee nabad ilaalinta u jooga Soomaaliya gaar ahaan magaalada Muqdisho.

Weerarka oo markii hore ku billowday madaafiic laysku tuur-tuuray ayaa waxa uu markii dambe isku beddelay mid fool ka fool ah oo laysku adeegsaday hubka noocyadiisa kala duwan, waxaana dagaalkaasi oo socday qadar daqiiqado aan la ogayn khasaaraha ka soo gaaray labada dhinac ee dagaalka uu dhex maray.

Warar laga helay dadka deggan nawaaxiga Jaamacadda Ummadda ee fariisinka u ah ciidamada Burundi ayaa sheegay in madaafiic dhowr ah ay ku soo dhaceen guryo ku yaala nawaaxiga jaamacadda Ummadda, isla markaana ay gaysteen khasaare isugu jira dhimasho iyo dhaawac , balse ilaa iyo hadda lama qeexin tirada dadka ku nafwaayay , kuna waxyeeloobay.

Weerarkan saakay lagu qaaday fariisinka ciidamada Burundi ee jaamacadda Ummadda ayaa waxaa ka dambeeyay Xarakada hubeysan ee Al-shabaab, sida ay saxaafadda u xaqiijiyeen saraakiil ka tirsan Al-shabaab oo sheegay inay khasaare gaarsiiyeen ciidamada Burundi ee ku sugan Jaamacadda Ummadda.

W/diyaariyay : Ali Abdi Ali "Suheifa"
asuheifa@hotmail.com
Mogadishu-Somalia

Camaloow  Online

Gureey006@hotmail.com

webwester@camaloow.com

Sarkaal ka tirsan Alshabaab oo ku gacan seyray go'aankii Golaha Wasiirada ee ku dhaqanka shareecada Islaamka dalka..........

Sheekh Xasan Yacquub oo ah Sarkaal ka tirsan Alshabaab ahna Afhayeenka Maamulka Islaamka ee Kismaayo ayaa ku tilmaamay wax lagu qoslo go'aankii shalay ka soo baxay Golaha Wasiirada ee ahaa ku dhaqanka Shareecada Islaamka.

Sheekhan ayaa sheegay inay tahay wax qaldan qaabka ay ku doonayaan Dowladda Midnimada qaran in shareecada Islaamka lagu dhaqo dalka Soomaaliya, isagoona qeexay in halgan dheer iyo jihaad loo soo maray sida uu hadalka u dhigay.

"Waa wax lagu qoslo, in qolooyinka Dowladda ay dhahaan shareecada Islaamka ayaa maanta qaadanay, iyadoo la ogyahay in aan labo sano iyo bar u dagaalamay, rag badan ay ku shahiideen, guryaheenii ku burbureen, hantideenii ku baxday in dalka laga hirgeliyo ku dhaqanka Shareecada Islaamka"ayuu yiri Sheekh Xasan Yacquub oo intaa ku daray inuu aaminsan yahay in dabin daabo ay wataan.

Sheekh Xasan Yacquub ayaa sheegay in marnaba aamineyn in Dowladda ay wax ku dhaqeyso shareecada Islaamka, iyadoo ay dalka joogaan Ciidamadii Brundi iyo kuwa Uganda sida uu hadalka u dhigay.

"Shareeco Islaam ayaa qaadanaa Ciidamadii Brundi iyo kuwa Uganda ayaana i ilaalinaya, ma aqbaleyno, Umada Soomaaliyeed ee Islaamka ha ogaadaan inaanay ahayn wax dhab aheyn Shareeco Islaam oo Meles Zenawe raali ka yahay, Qaramada Midoobay ay lacag ku bixineyso oo Nasaara iyo Yahuud ay taageerayso, Mujaahidiinta waa dad caqli ah oo ma ahan kuwo la kiyaami karo"ayuu mar kale yiri Sheekh Xasan Yacquub.

Waxaa uu kaloo sheegay Afhayeenka in Mujaahidiinta ay doonayaan wixii ay u dagaalamayeen oo ah shareecada Islaamka oo barax tiran oo gaalada aan ku xirneyn oo gaalo oo dhan lagu cara gelinayo, Ilaahayna lagu farxad gelinayo, wuxuuna ugu baaqay Mujaahidiinta Soomaaliyeed oo inaan la marin habaabin oo ay feejignaan muujiyaan.

Si kastaba ha ahaatee hadalka ka soo yeeray Sarkaalkan ka tirsan Alshabaab ayaa imaanaya xilli shalay Golaha Wasiirada ay ansixiyeen ku dhaqanka shareecada Islaamka oo loo arko inay tahay xalka kaliya ee dalka lagu hogaamin karo, iyadoona hadalkan kulul ee ay ku naqdinayaan shabaabka go'aanka wasiirada uu noqonayo caqabad hor leh oo Dowladda ku hor gudban.

Camaloow  Online

Gureey006@hotmail.com

webwester@camaloow.com

Xiisad ka dhex taagan Alshabaab iyo ururka Ahlu Sunnah ka dib dilal ka dhacay soomaliya todobaadyadii la soo dhaafay.

Waxaa isa soo tareysa xiisada ka dhextaagan ururka Alshabaab iyo Ururka Ahlu sunnah wal Jamaaca ka dib markii todobaadyadii u danbeeyay dil loogu geystay gudaha dalka Soomaliya ilaa iyo afar wadaado oo ka tirsana culumada Ahulu Sunnah Waljaamaca taasoo ay ku eedeeyeen inay ka danbeeyeen Alshabaab.

Afhayeen ururka ahlu sunnah Sheekh Abdiraxman Abuu Yuusuf ayaa VOA qeybta afka ingariisiga ku baxda u sheegay inay cambaareynayaan ururka Alshaabaab, ururkaasoo uu ku eedeeyay inay u soo dirayaa willal yar yar oo qaarjiya culumiada ku jirta ururka Ahlu Sunnah.

Afhayeenka waxa uu sheegay in toboaadkii la soo dhaafay ururka Alshabaab ay dileen Sheekh cali Afyare bartamaha soomaliya magaalada Gaalkacyo, iyo wadaadka kale oo ku noolaa baledweyne meel u dhow xadka itoobiya. Labo kale oo wadaado ahna waxaa la dilay bishii la soo dhaafay gudaha magaalada Muqdisho, wuxuna Sheekh Abdiraxmaan uu sheegay inaysan ururka Alshabab oo sheegan karin iany urur diimeed yihiin isagoo ku sababaeeyay inay sameeynayaan waxyaabo diinta ka dhan ah.

Waxaana ururka Ahlu sunnah ay ku dhawaaqeen mar sii horeeysay dagaala ay ugu yeereen Jihaad oo ka dhan ah urur diimeed kale ee Alshabaab taasoo u eg in soomaliya uu mar kale ka qarxi rabo dagaal diimeed tasoo dad badana ay cabsi xoogan ka qabaan.

Ururka alshabaab ayaa eedeymo hore loogu soo jeediyay ku tilmaamay kuwa been ah oo lagu doonayo in lagu wiiqo sumacadooda, waxaana arimahan ay ku so beegmayaan xilli bishii january daaalo ak dhacay gobolka galgaduud looga adkaaday ururka alshabaab halkaasoo haatan ay gacanta ku hayaan ururka Ahlu sunnah wal jamaaca.

Waxaana Alshabaab oo ku eedeysay wadaada sheegta ururka Ahlu sunnah inay hub iyo waxyaabo kaleba ka so qaataan dowlada itoobiya oo ay itoobiya u adeegsaneyso inay ururkooda la dagaalamaan, taasoo sidoo kale Ahlu sunnah ay iska beeniyeeen