Ma jirto cid noo meteleysay halkaas, wax aan saxiixnayna ma jiraan, annagu ayaa ah kuwa metela shacabka Koomfur Galbeed cidii rabta
Posted by news on June 24 2014 11:31:25
Madoobe Nuunow Maxamed oo hogaaminayey mid ka mid ah labadii garab ee isku hayey maamulka Koonfur Galbeed
Extended News
Madoobe Nuunow Maxamed oo hogaaminayey mid ka mid ah labadii garab ee isku hayey maamulka Koonfur Galbeed Soomaaliya ayaa sheegay inuusan jirin wax heshiis ah oo dhinaciisa uu la galay kooxdii ka soo horjeeday.

Nuunow oo ahaa madaxweynaha maamulka lixda gobol ayaa cadeeyay inuu weli yahay madaxweynaha maamulka, isla markaana maamuliisa uu yahay kan metela shacabka ku nool Koonfur Galbeed, sida uu sheegay mar uu wareysi siiyey warbaahinta gudaha qaarkood wuxuu Madoobe Nuunow beeniyey in wakiilo ay u joogeen xafladii shalay ka dhacday xarunta madaxtooyada ee Villa Soomaaliya

“Ma jirto cid noo meteleysay halkaas, wax aan saxiixnayna ma jiraan, annagu ayaa ah kuwa metela shacabka Koomfur Galbeed cidii rabta annaga hannala soo xiiirto, waxaana joognaa magaalada Baydhabo oo aan shaqadeena ka wadanaa,” ayuu yiri Madoobe.