Maamulka Al-shabaab ee Magaalada Marka oo Siidaayay Nin In umo Ah u Xirnaa
Alshabaab ayaa shalay xabsiga ka sii daysay nin xilli ka mid ahaa shaqaalaha Dowlada KMG ah kaasi oo muddo ugu xernaa shabaabka gudaha Magaalada Marka.
Maamulka Al-Shabaab Ee gobalka Sh/Hoose ayaa sheegay inuu cafis u fidiyay nin u shaqeyn jiray dowladda KMG markii muddo baaritaan ay ku hayeen laamaha barista ee Kooxda Shabaab.
Ninka Xabsiga laga sii daayay ayaa lagu magacaabaa C/Jabaar Kanaal oo maalmihii u dambeeyay ku xirnaa xabsiga magaalada Marka markii ay qabteen Ciidanka Alshabaab.
C/Jabaar waxaa uu qiray in ka tirsanaan jiray ciidamada ururka Xisbul Islaam ka dibna uu ku biiray ciidamada dowladda KMG oo uu shaqaale ahaan ugu shaqeyn jiray.
Sargaal Maamulka Magalaada Marka u hadlayay ayaa shaaca ka qaaday in ninkaasi ay cafis u fidiyeen markii uu ka Towbad keenay Dembigii uu galay sida uu warfidiyeeda u sheegay sargaalkaasi.
Dhaq dhaqaaqa Al-Shabaab oo looga bartay beegsiga dhammaan dadka xiriirka la leh ama la shaqeeya Dowlada ayaa waxa uu cafiskan tooska ah noqonayaa midkii ugu horeeyay ee magaalada Marka ka dhaca
