Ahlu sunna oo sheegtay in weerar ku yihiin deegaanadii ay horay ugu soo baxeen ee gobolka galgaduud si shabaab meesha looga saaro balse ma uusan sheegin goorta ay qorsheeynayaan howlgalkaasi.
Xilli dhawaan Ciidamada Ahlu Sunna iyo kuwa Ethiopia ay baneeyeen deegaanno iyo degmooyin ka tirsan gobolka Galgaduud ee bartamaha Soomaaliya ayaa haddana Maamulka Ahlu Sunna Walajamaca ee gobolkaasi waxa ay shaaca ka qaadeen qorshooyin ay dib ula wareegayaan deegaannadaasi.
Guddoomiyaha guddiga Fullinta ee Maamulka Ahlu Sunna Waljamaaca ee gobolada dhexe Sheekh Max’ed Yuusuf Xeefoow ayaa waxa uu sheegay inay wadaan abaabul xooggan iyo qorshooyin ay dib Al Shabaab kaga sifaynayaan deegaannadii ay dhawaan soo baneeyeen.
Sheekh Max’ed Yuusuf Xeefoow ayaa waxa uu sheegay in markii hore Ciidamada Ahlu Sunna ay kaga soo baxeen deegaannadaasi xeelado dagaal, hase ahaatee aysan ku amrin Dowladda KMG ah, wuxuuna carabka ku dhuftay in shaki uusan ku jirin in mar kale ay dib ula wareegayaan deegaannadii ay kasoo baneeyeen gobolada dhexe oo ay iminka ku sugyan yihin Xarakada Al Shabaab, islamarkaana aysan dib usoo laaban doonin sida uu hadalka u dhigay.
Mar la waydiiyay in Ciidamada Ahlu Sunna duulaankaasi inay la qorsheynayaan Ciidamada Ethiopia ayaa waxa uu ku jawaabay Sheekh Max’ed Yuusuf Xeefoow in Ahlu Sunna kaliya ay waddo duulaankaasi, islamarkaana go’aankoodu uu yahay inay la wareegaan guud ahaan gobolada dhexe ee dalka Soomaaliya, wuxuuna hoosta ka xariiqay in shacabka Soomaaliyeed looga baahan yahay inay isku tashtaan.
Ciidamada Ethiopia ayuu sheegay inay yihiin dal daris la ah, hase ahaatee aysan muhiim aheyn inay sii joogaan, isagoo shaki galiyay in uu jiro khilaaf u dhaxeeya Maamulka Ahlu Sunna iyo Ciidamada Ethiopia.
Xilli dhawaan Ciidamada Ahlu Sunna iyo kuwa Ethiopia ay baneeyeen deegaanno iyo degmooyin ka tirsan gobolka Galgaduud ee bartamaha Soomaaliya ayaa haddana Maamulka Ahlu Sunna Walajamaca ee gobolkaasi waxa ay shaaca ka qaadeen qorshooyin ay dib ula wareegayaan deegaannadaasi.
