Hiiraan State waxaa si wadajir ah U soodhaweeyay Xildhibaano kasoo jeeda Gobolka Hiiraa iyo Puntland
Waxaa marba marka ka danbeyso sii xoogeysanayo taageerada loo hayo dowlad goboledka Hiran ee Somaliya. Inta badan xildhibaanada ka soo jeeda Hiran iyo Puntland ayaa si diiran u soo dhaweeyey dowlad goboledkan ay bulshada reer Hiiraan sameysteen.
Xildhibaanad Caasho Ahmed Cabdalla ayaa ku nuux nuux satay sida ay ugu faxsan tahay dowlad goboledka Hiran ee Somaliya iyadoo sheegtay in ay soo dhaweynayaan hadii ay yahiin xildhibaanada dowlada federalka.Xildhibanad Caasho ayaa waxey ka mid tahay masuuliyiinta lagu casuumay xaflada caleema saarka madaxweynaha iyo ku xigeenkiisa oo ka dhici doonta dalkaasi Kenya maalmaha inagu soo aadan ee bishan aynu ku jirno. dhinaca kale waxaa dowlad goboledka Hiran State si diiran u soo dhaweeyey xildhibaanada ugu jiro dowalda federalka ah reer Hiiraan oo fadhigoodu yahay Mogdisho iyo kuwa ku sugan dibada iyagoo u arka iney muhiim tahay in dalka Somalya laga hirgaliyo dowlad goboledyo ay dadku iyagu gacantooda ku dhisteen.
Sida laga warqabo dowlada federalka ah ee uu garwadeenka ka yahay madaxweyne Shiikh Shariif waxey dhaqaalo ku bixisay maamul goboledka Galmudug sidii uu u noqon lahaa maamul jiro arintaas oo ay ku qasbeen xildhibaanada iyo wasiirada ka soo jeeda degaanadaas sidaasi daraadeed Xildhibaano reer Hiiraan ah iyo beesha caalamkuba waxey si degan il gaar ah ugu fiirinayaan dowlada federalka ah sida ay u soo dhaweyso dowladan cusub oo ay dhisteen reer Hiiraan,
Madaxweynaha dowlada cusub ayaa isagu hada xooga saraayo la kulanka waxgaradka reer Hiiraan oo iyagu dal iyo dibad ka soo wacayo si uu uga dhaadhiciyo barnaamijkiisa shaqo ee hor yaala sanadka soo socda.
Isku soo duuboo dowlad goboleedka Hiran ee Somaliya ayaa waxaa 99% taageeray bulshoweynta reer Hiiraan oo ay ugu horeeyaan Aqoonyahanada, Indheergaradka, culima'udiinka, iyo waliba Ugaasyada iyo Wabarada reer Hiiraan si loog baxo isku dhaxyaca faraha badan ee hareeyey shacabka ku dhaqan Hiran.
Dhinaca mid ka mid ah waxgaradka reer Hiran oo ku sugan gudaha wadanka ayaa yiri dowladan cusub guusha ugu horeyso ay gaari doonto waa in ay kala ogaandoonaan shacabka reer Hiran cadowgooda iyo saaxiibkood maadama hada ay bulshadu heleen hogaamiye reer Hiiraan ah oo ku yimid rabitaanka shacabka halka ay hogaamiyayaashii hore ku imaan jireen nin laga soo magacabay meelo kale iyo wax la mid ah.
La soco wareysiyo kala duwan aanu la yeelanay qaar ka mid ah xildhibaano reer Hiran ah iyo xildhibaano ka soo jeeda Puntland oo ah xildhibaanadii ugu horeyey ee soo dhaweeya dowlad goboledka Hiran State ee Somaliya.
