Shirkii ka dhacay magaalada Baydhabo horaantii bishan Diseember iyo dhamaadkii bishii hore, ayaa waxaa ka qaybgalay Shiikh Xassan Maxamuud Takar oo muddo dheer ku noolaa dalka Ingriiska, Xassan Takar ayaa muxaadaro uu ka jeediyey shirkaas waxa ay kicisey xiisad aad u weyn, waxaana loo fasirtey in shirkaas sabab u ahaa dilkii Shiikh Dr.Axmed Xaaji Cabdiraxmaan oo 05. Dec 2011 lagu diley magaalada Bosaso isaga oo soo tukadey Salaad subax isla markaana soomanaa Yoom Caashuura bisha Muxaram,
Culimada Ictisaamka ayaa isku raacey in dilka Shiikha laga go’aamiyey magaalada Baydhabo, Waxaana arrintaas daliil toos ah loogu soo qaatey Muxaadaradii Xassan Takar ka jeediyey halkaas,
Sh. Takar oo haatan ah garabka shabaab ayaa isla Muxaadaradaas waxa uu deyrka culimada ka saarey oo uu fitno ku tilmaamay Shiikh Umal oo ka mid ah culimada ugu waaweyn Bariga Afrika, waxaana uu ku tilmaamey Camiil ama daba dhilif u baahan in wax laga qabto waxaana dooda u weyn ee Shiikh Xassan Takar ay ahayd in Shiikh Umal taageeray duulaanka Kenya ee Soomaaliya hoos ka dhegayso warkii Xassan Takar. HALKAAN KA DHAGEEYO XASSAB TAKAR
Shiikh Maxamed Cabdi Umal ayaa arintaas darteed ka jeediyey Muxaadaro aad u dheer isaga oo cinwaan uga dhigey “Been abuurka oo shaqo laga dhigto si loogu banaysanayo dhiiga Muslimiinta” waxaana uu ka dalbadey Xassan Takar in uu la yimaado caddeymo iyo bayino, haddii aanu hayn uu cudurdaar bixiyo cafisna dalbado. Hoos ka dhegayso Muxaadaradii Shiikh Umal.
Intaasi kadib ayaa waxa hadlay Shiikh Xassan Takar oo sheegay in uu dhegaystey Muxaadarada Shiikh Umal isagoo ku tilmaamey mid aflagaado ah waxaana uu afkiisa ka ilaaliyey kelmada Shiikh isaga oo isticmaalaya Maxamed Umal, sidoo kale Takar ayaa iska fogeeyay inuu cid farmuqay oo uu yiri waa la dili karaa balse waxa uu yiri waxaan sheegay kaliya inay gaalo la shaqeeyaay isagoo xiliga uu hadlayay ay garab fadhiyeen rag kale oo shabab ka tirsan oo iyana markooda hadalka qaadanayay,
Sidoo kale Takar ayaa iska fogeeyay inuu ka dambeeyay Dilkii Shiikh Axmed X.C/Raxmaan oo dhawaan Boosaaso Lagu dilay.
Halkan dha dhageyso Qaar ka mida Hadaladii Sh.Takar oo ku dacaayadeeyay Sh. Umal iyo Ragiisa.
