|
|
Camaloow
Naseexo
Hiiraanweyn
Jawiil
Maxaas
Hiiraan
Wararka Xasaasi Ah |
Beesha Cabdi Yuusuf ee Ingriiska.
Beesha Cabdi Yuusuf ee Xawaadle, waxay shir Sannadeedkoodii caadiga ahaa ku yeesheen magaalada London - UK, taariikhda markey ahayd 27 December 2009.
Shirkaas oo caadi ahaan Sannadkiiba hal mar ay isugu yimaadaan dhammaan Jaaliyadda Beesha Cabdi Yuusuf ee ku dhaqan waddanka Ingriiska, waxay kulankaas uga hadleen, arrimo badan ay ka mid yihiin kaalinta ay Beesha Cabdi Yuusuf ee Ingrisska ay uga jiraan bahweynta Xawaadle iyo guud ahaan arrimaha Soomaaliya.
Shirka wuxuu diiradda saaray sidii xiriir wanaagsan ay ula yeelan lahaayeen, Jaaliyadaha Cabdi Yuusuf ee kala deggan Dunida dacaladeeda iyo gaar ahaan Gobollada Soomaaliya.
Shirka wuxuu u soo jeediyey dhammaan Bahweynta Beesha Cabdi Yuusuf meel kasta ay ku dhaqan yihiin in ay muujiyaan midnimo iyo isku kalsooni dheeri ah.
Shirka waxay u rajeeyeen dhammaan Bahweynta Beesha Cabdi Yuusuf in ay ku wada waaraan nabad iyo caafimaad.
Hal-heyskeenna ha ahaado Midnimo, Midnimo.
Wa Billaahi tawfiiq.
Xaaji Cali Maxamed Carab.
Odayga Beesha Cabdi Yuusuf.
Ingriiska - UK.
Baroor-diiqa ku aaddan dilkii Wasiirka Amniga Qaranka Col. Cimar Xaashi Aaden iyo Xildhibaan Inj. Maxamed Xuseen Caddow iyo Ambassador Cabdikariin X Faarax Laqanyo.
 Beesha Xawaadle ayadoo ku hadleysa dhammaan Beelaha dega Gobolka Hiiraan iyo Gobollada la deriska ah, waxay ku marti-qaadeysaa,
Dhammaan Jaaliyadaha Soomaaliyeed, Wasiirrada, Xildhibaannada Dawladda Midnimo Qaran, Wakiillada Maamul Goboleedyada Soomaali Land, Puntland iyo Galmudug, Wakiillada Duubabka Beelaha Soomaaliyeed, Haweenka Soomaaliyeed iyo Dhallinyarada Soomaaliyeed ee ku nool magaalada London iyo dhammaan Gobollada dalka Ingriiska, in ay ka soo qayb-galaan kulan Broor-diiq loo sameynaayo Wasiirkii Amniga Qaranka Marxuum “ Col. Cumar Xaashi Aaden” iyo Marxuum “ Ambassador Cabdikariin Xuseen Faarax Laqanyo “ iyo Saraakiishii iyo Nabad-doonnadii iyo dadweynihii ku shahiiday qaraxii 18 June 2009 ka dhacay magaalada Beledweyne iyo dilkii foosha xumaa ee loogu geystay magaalada Xamar Marxuum Xildhibaan “ Ing. Maxamed Xuseen Caddow “ 19 June 2009 iyo Marxuum G/Sare Cali Saciid, Taliyihii Ciidanka Boliiska ee G/Banaadir/
Kulankaas Broor-diiqa ah wuxuu ka dhici doonaa Wembley Central, Satation-ka Wembley Central waddada koofur bari ka xigta, hool dhinaca ka saran makhaayadda caanka ah “ Dur-Dur “, maalinta Sabtiga 27 June 2009, saacadduna tahay 6da Galabnimo, cinwaankana waa sida hoos ku qoran.
22 London Road
Wembley Central.
London, HA9 7EX
Wada Kulan wanaagsan.
Isu-duwayaasha Kulanka.
Guddiga Beesha Xawaadle.
London – UK.
FIKIRKA SHABAABKA IYO YOOLKOODA
Qore:Abdikadir Abdi
Alshabaab waa urur Soomaaliya haatan ka hana qaaday, lana dhihi karo waa ururkii Islaamiga ahaa ee ugu danbeeyey ee Soomaaliya hana kaqaaday. Ururku ilaa hadda uma soo gudbin shacabka Soomaaliyeed ujeedooyinkiisa, dastuurkiisa, barnaamijkiisa siyaasadeed iyo sida uu ula falgalayo caqabadaha ka dhex jira bulshada Soomaaliyeed.
Dabcan kaafi ma ah in urur si guud u yiraahdo wax walba Kitaabka Alle ayaa loola laabanayaa ama isaga ayaa barnaamij siyaasadeed innoo ah ee waxa looga fadhiyaahi waa in laga hadlo masalan qaabka siyaasadeed ee loola falgalayo arrimaha haatan Soomaaliya ka taagan. Ma dawlad dhexe uu Jamhuuriyaddii kawada talisa ayey rabaan? Mase maamul goboleedyo dusha isaga xiran? Sidee khilaafka siyaasadeed lagu xallinayaa ee Soomaaliya ka dhex jira mise ururkooda ama wadaada uun baan meel kastaba maamul u dhisaya, uusan shacabku dooranayn cidda xukumaysa ama uusan la xisaabtami karin balse uu raciya uun ka yahay.
Maadaama uusan jirin barnaamij cad oo xadidan oo ay soo bandhigeen waxa kaliya ee la eegi karo waa fatwooinka iyo bayaannada siyaasaded ama diineed ee ay soo saaran oo inta badan ay ku xardhaan mawqifka ay ka qabaan diin ahaan arrimo badan oo Soomaaliya ama caalamka maanta ka jira.
Yoolka dagaalkooda
Alshabaab maadaama ay yihiin urur diineed waxay ku doodayaan in dagaalkoodu yahay mid diineed oo ay kula jiraan gaalada dagaalkana ay wadi doonaan intii arliga fitno laga waayo, iyagoo inta badan soo daliilsada aayado quraanka kariimka ah oo ay u fasirayaan dilka ama la dagaallanka gaalada ama mushrikiinta meel walba oo lagu arko ama intii fitno laga waayo .
Hadaba maxaa ka jira in muslimiinta laga rabo inay gaalo oo idil la dagaalaan iyagoo ka billaabaya kuwa ugu dhaw ama meel walba oo ay ka helaan ama intii fitno laga waayo? Yaa qaba fahamka caynkan aha maxayse culimada Islaamka ka qabaan arrintan?
Shabaabku ilaa hadda aayadaha si guud bay usoo daliilsadaan, waxayna ku celccelyaan inay dagaalka wadayaan ilaa fitno laga waayo.
Cumuumkaa guud kama soo dagaan, lagamana hayo wax ku koobaya dagaalkooda gaalo gaar ah oo dhulka Soomaaliya ku soo duushay, oo loola dagaalayo sidii dalka looga xorayn lahaa ee waxay u dhigayaan inay uun sida daahirka aayadaha ka fahmayaan dagaalkoodu yahay mid furan oo muslim iyo gaalo oo idil u dhexeeya. Sidoo kale waxay sheegayaan in xattaa haddii ay gaaladu Soomaaliya ka baxdo ay la dagaali doonaan cid kasta oo isku dayda inay Soomaaliya ka dhisto nidaam dawladeed oo dastuur iyo dimoqoraadiyad ku salaysan .
Aayadaha ay sida guud usoo daliilsadaan waxaa kamid ah kuwan hoose:
(Al baqara 193)ó æóÞóÇÊöáõæåõãú ÍóÊóøì áóÇ Êóßõæäó ÝöÊúäóÉñ æóíóßõæäó ÇáÏöøíäõ áöáóøåö ÝóÅöäú ÇäúÊóåóæúÇ ÝóáóÇ ÚõÏúæóÇäó ÅöáóøÇ Úóáóì ÇáÙóøÇáöãöíä
La dagaallama ilaa laga waayo fitno (gaalnimo), diintuna ay u ahaan Alle, hadday ka joogsadaan lalama collaytamayo ciddii xadgudubta mooyaane.
(Al tawbah 123) íóÇ ÃóíõøåóÇ ÇáóøÐöíäó ÂãóäõæÇ ÞóÇÊöáõæÇ ÇáóøÐöíäó íóáõæäóßõãú ãöäó ÇáúßõÝóøÇÑö æóáúíóÌöÏõæÇ Ýöíßõãú ÛöáúÙóÉð æóÇÚúáóãõæÇ Ãóäóø Çááóøåó ãóÚó ÇáúãõÊóøÞöíäó
Kuwa xaqqa rumeeyayow la dagaallama kuwa idin la xidhiidha ee gaalada ah, hana idinka heleen adayg, ogaadana in Eebbe la jiro kuwa dhawrsada.
Labo Faham
Fahamka ay aayadahan kala baxeen dhallinta shabaabka waa mid iyaga in yar oo kale uu dunida musimka joogta ku koobaan in aayadahaa loo fahmo inay ku baaqayaan dagaal furan goor iyo goob kasta oo ay muslimiintu la galaan gaalada.
Culimada Islaamku ma qabaan in dagaal furan lala galo gaalada oo tabar iyo tabaryariba loola dagaallamayo gaalnimadooda. Aayadaha kore iyo kuwa la midka ahba waxay leeyihin siyaaq ama context iyo duruuf ay ku yimaadeen mana aha in aayadaha laga soo dhex bixiyo duruuftaa iyo asbaabtiiba ka dibna laga dhigo amarro sidooda u taagan.
Markii Nabiga scw iyo saxaabada Mako joogeen waxaa la amray inay dul qaataan oo ka fitnaynta diintooda ee mushrikiinta ku hayeen ay ku samraan iyadoo rumaynta Alle iyo rasuulkiisa loo jir dilayey. Looma fasixin inay dagaal sokeeyey Makko dhexdeeda ka galaan, waxaase la faray in halkaa ka hijroodaan. Markii ay Madiina tageen baa reer quraysh oo diidan inay muslimiintu meel kale ku baraaraan ay weerarro daba joog ah ku qaadeen ay doonayaan inay nuurka Islaamka ku damiyaan.
Markii hore waxaa muslimiinta loo idmay (khiyaar)inay la dagaallamaan kuwa gardarrada ku hayey sida ay tilmaamayso aayadda 39aad ee suuratul Alxajj. Muddo ka dib markii ay xoogeysteen idan maahee waxaa la faray inay la dagaallamaan kuwa diintooda kula dagaallamaya ama kusoo xadgudbaya sida ay tilmaamayaan aayado kale oo ay ka mid tahay aayadda 190 ee suuratul baqara ee Alle uu muslimiinta ku farayey inay la dagaallamaan Alle dartii kuwa kula dagaallamaya sidaa oo aysan xad gudbin
Waxaa kaloo Muslimiinta la faray marka ay dagaallamayaan inay cadawgooda ula dagaallamaan hadba sida ay ugu kala soo sokeeyaan sida 123 ee suuratul tawba tilmaamayso.
Dagaalka ay muslimintu galayeen ee la amray wuxuu lahaa laba weji. Midka hore waa mid ay jiritaankooda ku difaacayeen oo qurayshtii Makko iyo xulafadeedii ee diidanaa inay muslimintu helaan meelayba aamin ku yihiin iskaga difaacayeen. Markii ay muslimiintu xoogaysteen ee ay heleen dhul aamin ku yihiin, waxay ku qasbanaayeen inay la dagaallamaan gaaladii kale ee dariska la ahayd ee u diidanayd inay dacwada iyo diinta Islaamka muslimiintu gaarsiiyaan ummadaha kale, oo berigaa adduunku wuxu uqabysanaa daarul Islaam oo ah meel qofka muslimku ku aamin qabo, diintiisana uu ugu dhaqmi karo sida ay tahay.
Iyo daarul xarbi oo ah wixii xuduudda Islaamka ka baxsanaa berigaa badankood, oo aan qof muslim ah ku dhex noolaan karin, oo qofkii dadkaa ka islaamana ay diintaa ku ciqaabayaan ilaa ay ka celiyaan diinta Islaamka, iska daa in la ogolaado in qof muslim ah diinta islaamka ka dhex fidin karo dhulka aan ahayn daarul islaame.
Dhanka kale waxaa alle aayadda 8aad ee almumtaxinah ugu sheegay inuu Alle muslimiinta ka reebayn inay u samo iyo cadaalad sameeyaan kuwa aan muslimiinta ahayn ee aan muslimiinta diintooda kula dagaalayn, guryahodana ka saarayn.
Gaalka ama mushirgga meel walba lagula dagaallamayo waa midka kaa saaraya dhulkaada, ama diintaada markaa kugula diriraya ee gaal oo idil maaha in meeshuu joogaba la leeyahay kula dagaallama. Haatan adduunku uma qaybsana dhul Islaam iyo daarul xarbi oo dhul dagaal ah, looma baahi qabo sidii waagi hore in dagaal loo galo si dacwada loo gaarsiiyo ummadaha kale, kii ka islaamana loo ilaaliyo oo maanta caalamka waa isu furan yahay, mana jirto meel la diidayo in Islaamka laga faafiyo amaba lamaba koontarooli karo maadaama warbaahin aan xuduud lahayn ay soo baxday, dhanka kalena uusan jirin wadan lagu dilayo qofkii Islaama taasoo ah fursad weyn oo diinta Islaamka ay haysato oo aan berigii fidinta diinta loo dagaallamayey aan jirin.
Aayadda kale ee tilmaamaysa in lala dagaallamo gaalada intii fitno laga waayo, waxaa culimadu ku fasireen in loola jeedo intii ka fitnayn diinta laga fitnaynayo dadka laga waayo oo loo dagaallamayey inaan fidinta diinta la hor istaagin ama qofkii Islaamka oo loo ciqaabin taa. Culimada qaar baa ku fasirtay fitnada intii shirki ama gaalnimo laga waayo macnahaasise ma ansaxayo sida culimada badankood tilmaameen laba sababood dartoodba.
Tan koowaad ma jirto cid loola dagaallamay inay islaamto ama lagu qasbay islaamnimada oo waa mid qancis u baahan ee aan qoorqbad gelin, Allana wuxuu aayadda 256aad ee Albaqara ku leeyahay “Isku qasbid ma aha diintu, dhab ahaantiina hunuunku waa ka soocmay baadida”.
Tan labaad taariikhda islaamka laguma hayo dad diinta islaamka lagu qasbay oo ilaa haatan waxaa Masar, Ciraaq iyo wadamo badan oo saxaabadu islaamka soo gaarsiiyeen ku sugan dad diimo kale haysta oo aan lagu cadaadin inay islaamaan ama ka baxaan diintooda. Sidaa darteed dagaalka aayaduhu tilmaamayaan ama axaadiista rasuulka scw waa mid muslimiintu kula dagaallamayeen gaalo ama mushrikiin dullaan iyo dagaal ku hayey oo u diidanaa inay diintooda haystaan ama fidiyaan shiddo iyo ka fitanayn la’aan. Marna sax ma aha in laga fahmo aayadahan in gaalada loola didirayo gaalnimadooda ama lagu qasbayo islaamnimadka.
Musliminta waxay u dagaallamayeen waa is difaac iyo difaacidda xornimada fidinta iyo gelista Islaamka. Maanta haddii uusan jirin nidaamkii hore ee caalamiga ahaa ee qarniyadii hore jiray ee adduunku ugu qaybsanaa muslimiinta Daarul islaam iyo Daarul xarbi oo diinta islaamka meel ay mamnuuc tahay in laga baafiyo aysan jirin ama qofka loo dilayo maxaad u islaamtay, waxaa markaa meesha ka baxayo ujeedkii ahaa in loo dagaallamo ilaa fitno laga waayo.
Ujeedada soo hartay ee loo dagaallami karo waa kan is difaaca ah oo haddii muslimiinta dhulkooda lagu soo weeraro ay tahay inay cadwgaa iska difaacaan.
Laba ujeedo kii ay noqotaba waa amar muslimiinta dhan u yaalla oo u baahan go’aanka dagaalka in lagu qaato wadatashi iyo hoggaan sharci ah oo shacabku taageersan yahay, mana aha in koox aad u tiro yar go’aansato dagaal ay shacabka muslimka ah geliso ama ku farad yeesho iyadoo aysan ahayn hogaan sharci ah, shacabkuna rabin ama diyaar u ahayn nooca dagaal ee ay ku baaqayaan.
Dastuur, Dimoqoraadiyad iyo Kitaabka Fikirka labaad ee ay qabaan shabaabku, sheegaanna inay dagaal dartii u wadi doonaan waa la dagaallanka dimoqoraadiyadda, dastuurka iyo wixii la hal maala iyagoo gaalnimo u arka labadaa iyo talo ku darsiga QM iyo hay’adaha kale ee Soomaalidu xubinta ka ahayd sida midawga Afrika, Jaamacadda Carabta iwm. Waxayna sheegaan inay dagaal ka wadayaan intii dalka kitaabka Alle looga xukumayo.
Halkan waxaa muuqda fikir aan qodnayn ama sadxi ah oo dad badanna la qaadsiiyey taasoo ka dhigaysa dastuur oo idil inuu kufri yahay muslimkana aysan dastuur qoran karin oo kitaabka alle uu dastuur u yahay! Sidoo kale in dimoqoraadiyadda ay iyana kufri tahay iyo in shacabka xukunkii la siiyey halkii Alle la siin lahaa.
Dastuurka:
Dastuurka KMG ah iyo kuwa la hal maala ee meelo badan oo dunida muslimka ah ka jira waxay shabaabku u arkaan mid kitaabka Alle booskiisii la galiyey, xubnaha baarlamaankuna yihiin kuwa riddoobay mar haddiiba ay sharci dajiyayaal noqdeen. Ciddii dawlad sheeganaysa dimoqoraadiyad iyo dastuur ay qoratay ku biirtana waa cid riddo ku biirtay, oo diinta allena iibsatay ama ka siibatay!
Marka hore Dastuur ama xeer ama dokuminti qoran waa lagama maarmaan kaasoo qeexaya Astaanta iyo xuduudda dalka, sida dalka lagu maamulaya, awoodaha kala duwan sida madaxda loo dooranayo, xuquuqda mudaawinka iwm. Dastuurka waxa Islaami ka dhigi kara ama ka saari kara waa haddii ay ku jiraan qodobbo sharciga Islaamka kasoo horjeeda ama wax sharciga xaraan ku ah lagu xalaaleeynayo. Wadamo badan oo dunida muslimka ka mid ah dastuurkooda waxaa la sheegaa in shareecada islaamka sal u tahay hadana waxaa wadamaadi ka jira qodobo shareecada ka hor imaanaya. Inta badan islaamiyiinta wadamadaa ku nool waxay u arki jireen intaasi gaalnimo tahay dawlad caynkaa ahna aan lagu biiri karin waxaase markii danbe khibraddu bartay in halkii bannaanka laga joogi lahaa ay ka haboon tahay in baarlamaannadaa la galo oo hadiba wixii laga sixi karo gudaha laga saxo iyadoo taasina looga dayanayo sidii Nabi Yuusuf SC uu ula shaqaynayey boqor aan diinta islaamka waqtigaa haysan iyo iyadoo laga duulayao qaacida ah in shartana la yareeyo, khayrkana la kordhiyo intii hadba la karo.
Dabcan waxaa jira kooxo islaamiyiin ah oo laga tiro badan yahay qaarkoodna fikirkan qaldan kasoo laabteen oo aaminsanaa in xoog lagu badalo nidaamyada ka jira dunida muslimka kuwaasoo qaraxyo ka samayn jiray Masar iyo meelo la mid ah. Inkastoo iyaga sidaa la qumanayd hadana ugu yaraan ma aysan gaalaysin jirin ama qarax la beegsan jirin islaamiyinta kale ee baarlamaannadaa gasha ee aaminsanayd in gudaha si tartiib ah wax looga bedelo inay ka qumanayd in dalka qaraxyo iyo dagaal sokeeye laga rido oo tan danbe ay ka khatar iyo fidno badnayd.
Haatan dawladda Soomaaliyeed waxay go’aansatay oo golaha wasiirrada, baarlamaanka iyo madaxweynuhu waxay ansixiyeen ku dhaqanka shareecada islaamka, hadana shabaab weli waxay taagan yihiin inay riddo yihiin ama gaaloobeen mar hadiiba ay baarlamaanka weli ku jiraan raggii embagati iwm tan uu muujinaysa in arintu soo dhaaftay diin oo qura ee ay isu badashay koox iyada kaigeed isu aragta inay diinta wakiil ka tahay oo magaca Eebbe ku hadasha, ciddii ajandaheeda ka hor timaadana ay dagaal ku qaadayso ama dhiig xalaalaysanayso!
Kitaakba:
Kitaabka Alle Waa dastuukeena wuxuu halkudhig qarniyadii danbe aad usoo caan baxay oo ay billaabeen xarakada ikhwaanul musliminka ee uu aas aasay Xasan Albannaa, hadana sida ay haatan u dhigayaan shabaabka iyo ragga la hal maala waa mid xarfi ah waxaa laga dhigayaa in quraanku sidiisa uu yahay u ku yahay dastuur islaami ah, dawladda muslimka ahna aysan u baahnayn inay qoroto wax dastuur ah haba ahaado mid ku qotoma quraankee. Waxaan shaki lahayn inuu quraanku ka gudo ballaaran yahay dastuur dawlo oo ku hadlayo waxyaalo badan oo aan dastuurka qusayn.
Dhanka kale kama hadlo tafiishiisa sida dad meel gaar ah degan u dhaqmayaan oo wax badan waxay u taalla in dadkaa mjusliminta ah samaystaan xeerar u gaar ah. Masalan dhirta inaan la xaalafin karin iyo cidda loo ogol yahay inay jarto iyo waqtiga iyo tirade la jarayo waa mid ku imaanaysa wixii laga xeerto ee lagu heshiiso ee ma ah wax sideeda quraanka ugu qoran. Taani waa mid aa du yar waxaaswe badan waxyaalo kale oo ay ka mid tahay cidda madaxda loo dooranayosida loo dooranayo iyo salaaxiyadka madaxdaasi iyo barnaamijyada xukuumada intuba waa kuwa ijtihaad ku qotoma badankooda.
Kitaabka qaadashadiisu waa in waxyaalaha ku cad quraanka ee aan tafsiirkooda culimada isku qaban sideeda loo qaato iyadoo weliba hadana ay jirto axkaam kale oo ay ka mid tahay mafsado iyo maslaxo oo keenaysa mararka qaar in dib lo dhiga waxyaalaha qaar sida Cumar bin khidabba u dib dhigay sanadkii gaajada inuu tuugada gacanta ka gooyo iyadoo ay tahay nas cad gacan ka gonyta tuugga. Wixi culimada tafsiirkooda isku qabtaan iyo sida loo kala rajaxayo waxaa ay noqonaysaa in wax laga qaato oo dasturka ama xeerarka lagu qorto sidii raajix loo arko. Wixii aan diintu horey si toos ahuga hadlin ama musliiinta iijtihaadkooda loo daayayna waa in xeerar laga qortaa iyadoo taasina aysan macnaheeda ahayn in Alle lagu qabaday xaakimiyadii sida masalan dhulka beeraha iyo degaanka ee la bixinayo yaa bixinaya meeqaase lagu gadayaa waa arrin u taala dawladda iwm.
Dimoqoraadiyadda
Waxay ku sheegeen tanina inay gaalnimo tahay si duubduub ah waxaase u baahan si hoose loo eego tan. Haddii bulshada muslimka ku heshiiso in dastuurkeeda iyo xeerarkeeda aan marna lagu darsan karin wax shareecada islaamka kasoo hor jeeda. Maxaa gaalnimada keenaya markaa? Hadiise dastuurka islaami mid ah laga dhigo maxaa diidaya in cidda xilka dalka qabanaysa loo baratamo iyo barnaamijka siyaasaded ee dalka ku maamulayso. Shacaku miyuusan awood u lahayn inuu madaxdiisa doorto ama iska casilo haddii ay u cuntami waayaan? Hadiise qaa bka doorasooyinka dimoqoraadiyadda la diido sideebay rabaan in kooxaha musliminta eek ala ijtihaadka duwan balse shareecada islaamka guud ahaan isku waafaqsan talada dalka ugu baratamaan? Ma xoog iyo xabbad baa xilka lagula kala wareegayaa sida habdhaqanka muslmiinta ka muuqatay tan iyo waqtigi umawiyiinta? Ma jirto halkan wax jawaab cad ama macqul ah oo ay u hayaan arrinta shabaabka iyo kooxaha la halmaara ilaa iyo haddana ma aysan caddayn wax aan ka ahayn ninkii xoog badan oo talada dalka si nabad ah lagu xallin karo qabashada iyo ka degistaba.
Shanta qodob ee diin ka baxa ee Isbahaysiga;
Waxaa jira bayaan ay ugu magac dareen ((ÇáãÜõÌÜúÑöãÜöíÜäæ áÜöÊóÓúÊÜóÈöíäó ÓóÜÜÈÜöíáõ)) oo kusoo baxay bogga shabaabka oo la sheegay inay hay’a sharciya soo saartay balse aan la sheegin xubnaha iyo madaxa hay’addaas midna, kuna qoran afka carabiga, sidoo kalana aysan caddayn in shabaabka Soomaaliya qoreen iyo inuu kasoo baxay kooxo kale oo xiriir la leh sida ku saxiixan bayaanka oo ah ãÑßÒ ÕÏì ÇáÌåÇÏ ááÅÚáÇã ÇáÌÈåÉ ÇáÅÚáÇãíÉ ÇáÅÓáÇãíÉ ÇáÚÇáãíÉ .
Bayaanku wuxuu sheegayaa shan qodob oo diinta looga baxo oo Isbahaysiga dib o xorayntu ku dhacay waa intii Isbahaysigu midaysnaayeene.
1. Waxay xiriir la samaysteen gaalada mar haddii ay dastuurka Isbahaysiga ee cilmaaniga ah ay ku xuseen in ay qadiyadda Soomaaliyeed ka difaaci doonaan goloyaasha caalamiga ah taasoo muujinaysa inaysan wax ka qabin la fariisadka ama wax ku darsiga ururrada gaalada ee la qabta dareenkooda wadaniga ah.
2. Galista daacada nasaarada iyo u gardhigashada ururrada Qaramada midoobay taasoo iyana gaalnimo ah!
3. DiintaDimoqoraadiyadda oo ay galeen kuna badasheen diinta ilaahay.
4. Inay xeerarka caalmiga ah aqbaleen una xukun tagayaan
5. Ka qaybgalka ay golaha baarlamaanka ee kufriga ah ay ka qayb galayaan.
Qodobadan marka aad eegto iyo khudbooyinka shabaabka waxaa kuu soo baxaya arrimo qatartooda leh. Waxay gaalnimo ama diin ka bax u arkaan la fariisadka ama ku biirasta ururrada caalamiga ah sida Midowga Afrika, Jaamacada Carabta, Ururka dalalka Muslimka, Qaramada Midobay iyo ururrada kale ee caalamiga ah ee ay Soomaaliya xubin ka ahayd.
Dastuurrada ka jira dunida muslimka waqtigan xaadirka ah oo aan badankood kuwada salaysnayn shareecada islaamka basle magac ahaan la xuso in shareecadu ka mid tahay ilaha sharci dajinta iyo goloyaasha dalalkasi u taliyo iyo dimoqoraadiyadda ka jirta haddiiba la helo ayay u arkaan gaalnimo, ciddii ku biirtana ay dhiig xalaalaysanayaan sidii ay ugu adkaysanayeen in raggii maxkamadaha ka tirsanaa ee ku biiray baarlamaanka DFKMG ah inay ridoobeenna waa mid muuqatay oo ilaa iyo hadda ay mawqifkaa ku adkaysanayaan xittaa haddii la ansxiyey in shareecada islaamka la qaato qodob kasta oo ka hor imaanayana dasturka laga saaro.
Ugu danbayn qatarka fikirkani leeyahay waa in uusan ogolayn in cid kale oo culimada muslimiinta ka mid ah xaq u leedahay in ijtihaadka ku khilaafto. Sida ay u fasirayaan diinta ama u qiimaynayaan xaaladaha maanta dunida ka jira iyo sida loola tacaamulayo duruufaha jira waxay ka dhigayaan inay tahay kama danbays iyo sidii Allaah amray inay tahay iyaguna wakiil uga yihiin. Culimo kasta oo ku khilaafta fasirka aayadaha iyo qiimaynta daruufaha jirana uma arkaan kuwa ka saxsanan kara ama ka aqoon iyo khibrad badnaan kara ee waxay u arkayaan kuwa diinta allaah khilaafay ama aan daacad u ahayn ama camiil noqday. Waxaan ahayn kaligeey wakiilka Alle iyo ciidankiisa, inta iga aragti duwan ee muslimiinta kale iyo xittaa xarakaadka islaamiyiinta iyo culimada kalana waa ama cadaw ilaahay ama kuwa diinta qiyaamay oo ka been sheegaya waa arrin qatarteeda leh una eg fikirkii khawaarijta ama dawlado diimeedkii waqti Yurub ka jiri jiray ee ay iska dul qaadeen.
Fikirka shabaab mid u dhaw waxaa qabay jamaacadka Masar kuwa kamid ah oo muddo ka dibna muraajacayey, qirtayna in wax badan ka qaldanaayeen. Waxaa fiicanayd inay culimada kale ee Soomaaliyeed talada wax kaga ogolaadaan oo fatwooyinkodana dhagaystaan maadaama ay diinta kaga aqoon badan yihiin, damac kurisina uusan hayn culimadiisa. Waxaa qumanayd inaysan fikirka jihaadka caalamiga ah oo culimada Soomaliyeed iyo shacabkuba diyar u ahayn ku san dullayn oo aysan ka hor marin culimadooda iyo shacabkoda fikirka iyo danaha ururrada alqaacida iyo kuwa la hal maala.
Waa fiicnaan lahayd intii aan xeero iyo fandhaal kala dhicin inay shacabkooda iyo culimada Soomaliyeed u dhaga nuglaadaan intii ay ku qasbi lahaayeen dagaal sokeeye iyo mid caalami ah oo aysan shacabka Soomaliyeed ka bixi karin.
Saadaalintayda ma muuqata inay sahal ku yeeli doonaan tan waxaanan cabsi ka qabaa in khilaaf ka dhex dillaci doono dhexdooda ama iyaga iyo xisbul islaam oo ay is iskugu jabhad yihiin haatan. Waxaa kaloo ay badi doonaan shacabka Soomaaliyeed ee awalba rafaadiyeed dagaalladii sokeeye, dagaalla kale oo isugu jira kuwa caalami ah iyo kuwa sokeeye.
Culimada Soomaaliyeed waxaa looga fahdiyaa inay dood furan iyo mid hooseba la galaan afkaarta shabaabka oo u caqli celiyaan waa intaasoo in badani ku qanacdo inaysan xaqiiqada kaligood ixtikaaraan ama qumanayn sida ay haatan u fekeryaan. Shacabka Soomaliyeedna waa inay u muujiyaan raggan inaysan qaadan karin in dagaal caalami ah lugta loo galiyo oo iyagii oo gaajo la liicaya hay’adaha caalamiga ahna deeq ka sugaya aan lagu qasbin inay gacanta kalena kula diriraan.
Abdulkadir Abdi
xogta@garasho.net
Sheekh Xasan Daahir Aweys ayaa barnaamijka hadalhaynta ee Horn Afrik
asbuucan marti ku ahaa isagoo ka jawaabayey su?aalaha shacabka iyo
waxgaradku soo weydiinayeen.
Sheekhu wuxuu ku ammaannaa, ka qaybgalayaasha qaarkoodna ku bogaadyeen
in waqtigan uu dadka soo hor fariisto oo su?aalahooda toos uga
jawaabo, una dul qaato su?aalaha iyo dhaliisha adag ee uga imaanaysay
dadka barnaamijka kala qayb qaatay. Inkastoo mararka qaar uu la
yaabanaa su?aalaha la weydinayo hadana wuxuuba weriyaha xataa ka
dalbanayey inuu soo fasaxo dadka sheekha sida tooska u weeraraya ee u
arka inuu maato qixiye iyo qalbi dillaacshe yahay.
Wuxuu sheekhu aad uga horreeyaa madaxda shabaabka oo in dadka cajalad usoo
duuban hal waddo ah ama one way ah mooyaane aan ogolayn in barnaamijkooda
lalaga doodo ama dadka dood kaga iibiyaan.
Ma garanayo waxa uu sheekhu ka baranayo barnaamijka waxaase gabi
ahaanba dadkii barnaamijka socday saacadda iyo barka kala qayb qaatay
ay dareenkooda ku muujiyeen inay kasoo hor jeedaan qaabka uu isaga iyo
kooxaha mucaaradka wax u rabaan.
Barnaamijka oo ciddii xiisaynaysa oo aan horey u maqal ka dhagaysan
karto bogga gargaarka.com waxaa sheekhu isku dayey inuu ka iibiyo
shacabka sida uu wax u arko.
Su?aalaha ku xeeran arrinta taagan badankood sheekha waa la waydiiyey
inkastoo siduu uga jawaabayna ay dulduleello ku furan yihiin. Ma
dhicin in sida barnaamijyada qaar sameeyaan in la su?aalo- weydiiyaha
lagu celiyo inuu ku qancay ama wax uga kordheen jawaabta sheekha
taasoo ah mid loo baahan yahay in idaacaduhu barnaamijyada ku
darsadaan si loo ogaado ilaa heerka uu qofka martida u ah barnaamijka
dadka qancinayo.
Jawaabaha qaar waa siyaasadaysnaayeen sida cidda dagaalka billawday
iyo in AMISOM uun u socdaan iwm, waxaase jira su?aale kale oo uusan
ka jawaabin ama cillad wayni ka muuqato.
1. Sheekhu wuxuu sheegay in dagaalkoodu ku wajahan yahay nimanka
AMISOM ee uusan Soomaaida ama maxaakimata dawladda la safan uusan ku
wajahnayn, waxaase wariyaha iyo ka qayb galayaashu ku diideen taa
iyagoo la weydiiyey waxa iyado ciidamada AMISOM la yaqaanno goobaha ay
joogaan oo 500 tallaabo meelaha qaar isu jiraan ay dagaalka uga wadaan
meelo aad uga fog meelaha ciidamadaasi joogaan oo uu Soomaali u
dhexeeyo .
Jawaabtiisu waxay noqotay in iyagu AMISOM ku wajahnaayeen
balse kuwani ka mashquuliyeen oo dagaalka kusoo billaabeen! Waxaa
sidoo kale la weydiiyay in dagaallada Buulo barte, Maxaas iyo Wabxo ka
socdaa iyadana loogu qiil dayi karo AMISOM taasoo uu si sahlan
usheegay in beeluhuba isku diriraan si sahlan maadaama la iskhilaafsan
yahayna ay dhici karaan dagaallo.
Halkan waxaa iyana ku jirta in maadaama ay shabaab isbahaysanayaan
kuwaasina ay sheegeen inay dagaalkooda dawladda ridadda ah ku wajahan
yahay oo baarlamaankeedii hoobiyayaal ku garaaceen , gaalaysiinayaanna
sida ay ugu sahlanaatay inuu kuwaa furun dagaal la wadaago ama
gaalaysinta uusan kaga qaban karin.
2. Fikrad kale sheekhu wuxuu ku dooday in safka uu qofka ku jiro iyo
niyaddiisa loo eegayo ee aan hadalka iyo koofi diineed la eegayn?
Waxaase isweydiin leh yaa niyadda ka warqaba oo kasoo tarjumaya? Kuwa
sheikh Xasan safkiisa ku jira haddii niyadooda tahay adduunyo qaarkod
balse daahirka ay jihaad ka sheegayaan ma ku eed beelayaan? kanse ku
jira safka uu cadawga u arko haddii uu sidaa xal moodo oo daacad ka
yahay miyaan niyaddiisa loo eegayn?
3. Mar la weydiiyey wax dagaalkooda kii USC ka duwan yahay wuxu
sheegay in aysan qabyaalad koodu ku jirin hadaf siyaasadeed oo cadna
uu leeyahay waxaase weli wax garad badan in weydiinayaan maxuu yahay
hadafka siyaasadeed ee sh Xasan iyo shabaab ka dhexayn kara ama cad
oo shacabka horey uga qanciyeen oo haatan lagu diidan yahay?
Ma ogol yhihiin in shacabka loo daayo inay madaxdooda doortaan mase in is
magacawday oo isla quman oo hubaysan ayaa u go?aan gaaraysa shacabka
waa sida ka muuqata kooxaha hubaysane? Haddiise barnaamij iyo hadaf
jiray maxay maxkamadihii shabaab iyo isbahaysi ugu kala jabeen? Hadana
isbahaysigi Asmara iyo Jabuuti ugu kala jabeen maxaase loo waayay
xeerar iyo golayaal kala saara khilaafkooda oo ay ku kala baxaan
halkii midba maalin hubkiisa gaar u jiidanayo oo kuwii kale ee la
safnaa kusoo jeesanayo?
4. Mar la weydiiyey shacabka dagaalka ku baaba?aya wuxuu ku dooday in
madaafiicda AMISOM ay tahay balse ay raggiisa haystaan qoryo yar yar.
Tani waa jawaab siyaasadaysan oo dhabta ka fog mar haddii la ogyahay
in hub badan oo tiknika ah ay haystaan baasuukayaal , hoobiyayaal iyo
dhashiikana ay hurgafayeen. Dhagayste ayaa weydiiyey duqayntii
baarlamaanka inay ahayd mid xagooda ka timid oo shacab masiikin ah ama
11 qof ku geeriyoodeen mase AMISOM baa kaana tuurtay wuxuuse uga
baxay taana inay wax yar ahaayeen ama la eegayo niyadda AMISOM iyo
niyadda kuwa baarlamaanka duqeeyey oo inay kala eryaan rabay, waxaanse
la filayn in 11 qof ee dhintay eheladoodu ku qancayaan waa kama iyo
niyaddu adinka ma ahayn!
5. Mar la weydiiyey daliilka uu hayo in dawlad shareecadii islaamka
qaadatay lala dagaallami karo ayuu sheekhu wax lala yaabo kaga
jawaabay isagoo yiri C/llaahi Yuusuf waa ka yeeli lahayn, sheikh
Shariifse kama yeelanyo! Cilladna wuxuu ka dhigay in C/llaahi nin
tallaabo horey usoo qaaday noqon lahaa halka shariif uu yahay nin ka
baxay wareeggii uu kuijiray! Waxaan jawaab weli loo hayn waxa shakhsi
ama koox xaq u siisay in cidna ka aqbalaan shareecada cidna ka
diidaan?
Ma ilaahay baa ka aqbalista leh iyo ka sokow shacabka mase
koox gaar ah ayaa Eebbe ka wakiil yeeshay ama iska dhigtay oo dagaal
sokeeye u ridaysa ra?yigooda ama diidmadooda? C/llaahi oo qabqable
ahaa ma laga yeelayaa, Shariif oo wadaad ahna malaga diidayaa? Haddii
Sharif shalay sida uu Xasan u dhigay wareegga ka baxay maku soo laaban
karo miyaa? oo asaa leh xaqa uu cidna kaga diido cidna kaga yeelo?!
Dhanka kale wuxuu leeyahay weli waxaa jooga Cabdi qaybdiid iwm oo
haddii kuwaa aqbaleen in madaxdii maxkamaduhu hogaamiyeen soona
dhaweeyeen shareecada iyagana laga aqbali mayo miyaa? Haddiise uu ku
dooday sheekhu mar kale in shareecada haddii la qaato ay tahay inay
fuliyaan dad ahalkeeda ah ee aysan ahayn qabqablayaashii la diriray,
sow sheikh Shariif, Janaqow iyo ragga la midkaa u ehel maaha, oo asna
uma ogola inuu wax ka dabbaqo, oo hay?adda culimadana ay keento
qaabkii iyo sidii lagu fulin lahaa. Wuxuu ka hor geeyey warkii
R/Wasaaraha ee uu ku yiri inaysan gacan goyn lahayn shareecada waxaase
isweydiin leh ma taasaa ku filan inay dagaal u galaan mase waxay si
sahlan isaga iyo culimada iyo raggii maxkamadaha iska kaashan karaan
sidii si dhab ah shareecada loogu dhaqmi lahaa?
6. Mar la weydiiyey dadaallada culimada ee nabadda inay yeelayaan ayuu
sheegay in aqbalayaan balse alle mahaddii ay kuwa kale noqdeen waxa
dagaalka billaabay! Waxaase halkan jawaab u baahan haddii culimada uu
ka yeelo in dawladda aysan ladagaalayn balse uu AMISOM xabadda u
qaadanayo, Shabaabna ay culimada ka diidaan inay wax dagaal ah
joojiyaan, oo dawaladda weerarayaan oo magaaladu markaasi noqoto meel
AMISOM iyo XIsbiga isku haystaan iyo meel shabaab iyo dawladda ku
dirarayaan sida markaasi nabad iyo nasiino ku jiri karto inkastoo ay
haatanba sidaa arrintu ahayn oo shabaab iyo xisibiga ay ciidankii
dawladda la diririyaan.
7. Haddii ay jiraan niman ajnabi ah oo ka barbar dagaallamaya ayuu
sheekhu ka siibtay isagoo tii qabyaaladda Soomalida la ?aaday balse ka
gaabsaday ragga Al qaacida lagu tuhmayo ee xamar lagu arkay iyagoo ka
dagaallamaya. Mar la waydiiyey in haddii ay dagaalka sii wadaan ay
keeni karto in quwado kale dalka soo galaan ayuu sheegay inaysan taa
fikirkooda waxba ka badalayn ee ay sidii ula dagaallami doonaan? Waxa
la xasuusiyay in Xabashida hal goob oo laga saaray labadii sano aysan
jirin ee markii ay baxaysana ay ka wada baxday halkaasi oo loola jeedo
inaysan jirin awood ay hal goob xoog kaga saari kareen, awoodaha
shisheeye haddii ay hadda soo laabatana laga yaabo inuu sidi xaalku
noqdo?
8. Sheekhu wuxuu dadka ugu bishaaraynayey in fooshii lagu jiro oo
haddii in yar la samro guusha la gaari doono, wuxuuna dhanka kale ka
sheegayaa inuusan hayn siyaasad dalka lagu badbaadin karo, nololna loo
heli karo oo wuxuu tibaaxay in ilaa iyo New York cadawgu is dabahaysto
oo taa macnaheedu yahay ma hayno xirfad aan ku baajin karno faragalin
kale oo timaadda oo in la filan karana uu qirayo, mana hayno awood aan
eryaay ku oran karno ee waa jabhadayntii oo aan siyaasadna wadan iyo
intii gabari naga harayso waa dagaallamaynaa oo uusan shacabka kana ka
qayaar gelinaynin.
9. Nin Maraykan ah oo weydiiyay sababta haatan dhiigga u daadanayo
ayuu sheekhu ugu jawaabay inay iyago muddo dheer b52 iyo hub kaloo
waaweyn la dhacayeen shacabka Soomaaliyeed, itoobiyana keeneen,
maantana ay dantooda yara arkeen ee aysan naxariis ka ahayn, waxaase
is weydiin mudan ninka Maraykan uma dhalan dadkaan ee waxa sheikh
Xasan uu ugu eg yahay hadalkiisa adinkana horaad u disheen innagana
dagaalka waa wadaynaa inta wadaadada uu isagu ku jiro talada loo
ogolaanayo inay la gaar noqdaan, dhibka shacabka soo gaaranaya uusan u
muuqan.
10. Mar la weydiiyey isaga iyo shabaab inay halka ay shariif kala
marayaan ka gaar karto ,iyana wuxuu uga leexday sida uu tii ajaanibta
uga weecday, oo ku dheeraaday wixi ay shariifka isku qabteen, waxaase
in badan ka cabsi qabtaa in foosha ka dib haddiiba la gaaro ama ka hor
ay Xisbiga iyo Alshabaab hadana is qabtaan mar haddii mabaadiida qaar
ku kala tagsan yihiin.
11. Sheekhu wuxuu ifiyey in dagaalka dadka wada galay ay kala ujeedo
duwanaayeen halkaasina haatan dhibka ka yimid. Qaar dareen qabiil baa
waday oo haddii C/llaahi ka dul tagay waa qanceen, Qaar dareen wadani
ayaa waday oo haddii Itoobiyaan baxay caalamka kale waa la heshiin
karaan, wuxuuse u arkay in wadaadada hadafkoodii aan la gaarin sidase
muuqata wadaada qudhooda ayaa sii kala duwanaa oo kuwana haddii
amxaaro baxdo, taladana wax looga ogolaado waa garawsadeen in TFG ay
wax la wadaagaan, caalamkana masaalix wadaag kula noolaadaan, halka
kuwa hubka wataana uu halgankoodu laba sii kala yahay; Xisbiga oo raba
in talada wadaadada ad adag loo daayo balse dalkooda ku ekaadaan iyo
shabaab oo dunida oo dhan inay xoreeyaan usocda, kuwaasoo iyagana
berri kala sii hari doona.
Gabagabo
Sheekha waxaa ka muuqatay hal adayg iyo inuu tiisa ku dhaganaa
su?aalaha dadka oo kasoo wada horjeeday dareenkiisana uusan ka
garaaabin. Waxaa kaloo ka muuqatay inuusan haatan wadahadal gali
karin, mujaahidiinta kuwa uu yaqaanno haatanna uusan wax u qaadi
karin, maadaama aysan midaysnayn aysanna jirin hogaan ka dhex muuqda
oo si aad ah ugu kalsoon yihiin ama uga danbeeyaan oo wax usoo qaadi
kara, waxa kaliya ee lagusii wada socon karana ay tahay dagaalka
lagula jiro dawladda oo uun lagu sii midaysnaado oo haddii wadahadal
oo ogolaado waxaa ay noqnaysaa in shabaabka ay markaa kala haraan.
Ma muuqan mustaqbalka inuu wax jawaab ah u hayo sida caalamka uu
cadawga u arko loola tacaamuli karo aan ka ahayn in dabka lagu sii
socdo oo aan laga leexan. Ma hayo dammaanad sidii Soomaliya ay
caalamka ammaan uga heli lahayd, iyana ammaan looga heli lahaa mar
haddii Alshabaab oo caddaysanaya in dunida kale oo idil duullaan ku
yihiin uu isbahaysi maanta sheekha kala dhexeeyo.
Waxaa kaloo muuqata inaysan wadaadadu markii horeba shacabka
bareerahooda hor dhigin, Nabiga scw waa u caddeyn jiray qabaailka
dabeecadda farriintiisa, hadana Ansaar wuxuu kual heshiiyey inay
difaacaan uun balse aysan cid kale u weerarin. Sidoo kale markii la
isku soo bahaystay wuxuu u ogolaaday inay qabaailka qaar la
tacaamulaan si ay culayska iskaga fududeeyaan.
Halkan wadaadada beelaha kuma dagaal galin billawgii horeba inay ladoonaan
sidiiwadaadadu dalka u xukumi lahaayeen, waxayse u sheegeen markii hore in
maxkamado beelaha leeyihiin ay ciidan iyo garsoor u noqonayaan, ka
dibna waxaa loo sheegay in itoobiya laga dul xoraynayo oo kasoo qayb
qaataan dagaalka iyo in shareecada loo baahan yahay. Markii la helay
in Itoobiya baxday, shareecadiina la ogolaaday oo odayada dhaqanku
sidaa dalbadeen, gudoomiyihii maxkamadaha iyo labadiisii kuxigeenna ay
dawladdii garwadeen ka noqdeen ayaa haatan lala soo baxay in cidda
shareecada sida saxda u dabaqi karta aysan wadaad oo idil ahayn ee ay
tahay wadaado si gaar ah uso dhididay, si xaqdarra ahna liiska
argagixisada loogu daray ilaa kuwaas talada la wareegayaanna uusan
halgankii dhammaan!
Adduunka waxaa kala soocan saraakiisha dagaalka hogaamisa oo dabeecad
iyo luqad gaar ah leh iyo siyaasiyiinta ay amarka ka qaataan oo ka
dabacsan kana hadal macaan. Sheekha waxaa ka muuqatay dabeecad
hogaamiye jabhadeed ama ciidan, mana lahayn dabeecadda lagu yiqiin
siyaasiyinta iyo tixgelinta dareenka shacabka.
Hay?adda Culimada oo dalbatay aqbashayna shareecada la qaatay oo
sheegtay in dawladdu tahay mid muslim ah oo aysan bannaayn in lala
dagaalo ayaa xujo ku ah mucaaradka aysan meelna kamari karin.
Culimada waxay sharci ahaan codsadeen in aan AMISOM haatan lala
dagaalin, wadahadalna la iskugu yimaado, shareecada dawladdu
qaadatayna lala meel mariyo, waxaase mucaaradka ka muuqda inaysan
dagaalka AMISOM joojinayn, qaarkood wadahadal ogolayn, madaxda
dawladdana u arkaan gaalo ay tahay in lala dagaalo.
Waxaa markaa shacabka isweydiinayaa una jeedaan in diinta tafsiirkeeda iyo waxa
diin ahaan quman laga qaadanayo sida ay qabto culimada badankeed ee
aan la raacayn laba sheikh ama seddex jabhadaynaysa oo lagu tuhmmi
karo inaan damac siyaasadeed ka marnay iyo anaa mudan oo usoo kaadi
cabay, taasoo aan diiin shaqo ku lahayn balse loollan awoodeed ah.
Ugu danbayn haddii badanka ahdaaftii kala duwanayn ee inta dagaalka
isla soo wada gashay lahayd la gaaray waxaa in badan qabtaa in markaa
inta dagaalka haatan ku jirtaa ay tahay laba koox oo markan ahdaaf u
gaar ahayd u dagaallamaysa, shacabka, odayada dhaqanka iyo culimadana
aysan haatan dagaalka la rabo aqbalsanayn, wixii yaa mudan iyo maxaa
mudan ahna wadahal lagu dhammay karo, waxaanse la aqbali karin ama
100% wixii la wada rabay ama 0% baan ka xignaa iyo sidoo kale in la
ogolaado dagaalyahannada Alqaacida inay Soomalia ka dhigtaan furun
dagaal iyo in Soomali qasab lagu galiyo dagaal caalami ah oo aan
xuduud lahayn oo ilaa caalamka laga xoreeyo ay Soomali dagaal kujiri
doonto iyadoo dhanka kalena ay dadkii macluul la tiicayaan oo gacanta
inay kujihaadaan la rabo mooyaane tan kale ay caalamka lagu qasbayo
la jihaada ay macaawino kaga qaadanayaan.
Abdulkadir Abdi Camaloow Online Webmester@camaloow.com
|